Chandrasekhar Bawankule : यवतमाळ : कमळाच्या एकामताने देशात परिवर्तन घडवून आणले - चंद्रशेखर बावनकुळे

बाभूळगाव : कॉंग्रेसच्या 61 वर्षाच्या कारकिर्दीत भ्रष्टचाराचे कुरण झाले होते. शंभर पैशापैकी जनतेपर्यंत पंधरा पैसेच पोहचते, हे स्वत : माजी पंतप्रधान राजिव गांधी यांनी मानले होते, मात्र २०१४ मध्ये कमळाला दिलेल्या एकामतामुळे भ्रष्टाचाराला पूर्णपणे आळा घालत जनतेचा पैसा जनतेपर्यंत शंभर टक्के पोहचवून देशात प्रचंड परिवर्तन घडवून आणले .

देशाचे यशस्वी पंतप्रधान नरेंद्र मोदी यांनी देशात अनेक महत्त्वकांक्षी प्रभावी योजना शेवटच्या घटकापर्यंत पोहचविण्यासाठी सातत्याने अठरा तास काम केले . नऊ वर्षाच्या कारकिर्दीत जगाच्या पाठीवर पाचवी शक्ती म्हणून कमळाचे एक मत प्रभावी ठरले असल्याचे प्रतिपादण महाराष्ट्र राज्य भाजपचे प्रदेशाध्यक्ष चंद्रशेखर बावनकुळे यांनी केले .

आज गुरुवारी ( ता . २२ ) रोजी सायंकाळी शहराच्या भारतमाता चौकात झालेल्या भाजप महाजनसंपर्क अभियान जाहीर सभा आयोजीत करण्यात आली . यावेळी प्रमुख वक्ते म्हणून चंद्रशेखर बावनकुळे बोलत होते . यावेळी प्रमुख अतिथी राळेगाव विधानसभा क्षेत्राचे आमदार प्रा . डॉ . अशोक उईके , भाजपा यवतमाळ जिल्हाध्यक्ष नितीन भूतडा , माजी आमदार आशिष देशमुख ,

भाजपा माजी जिल्हाध्यक्ष मंगेश रुईकर , राजेंद्र डांगे , प्रदेश कार्यकारणी सदस्य रवि वेलुरकर , मुकुंद कदम , जयदिप सानम , प्रफुल चव्हाण यांची उपस्थिती होती ... चंद्रशेखर बावनकुळे पुढे म्हणाले , महाराष्ट्रातील जनतेने २०१ ९ मध्ये भाजप - सेनेच्या युतीला जनाधार दिला . मात्र या जनाधाराचा अपमान करत लालसेपोटी उद्धव ठाकरेंनी मुख्यमंत्रीपदाची चोरी केली आहे .

उद्धव ठाकरेंना व कांग्रेस राष्ट्रवादीला धडा शिकविण्यासाठी राज्याचे उभरते नेतृत्व मुख्यमंत्री एकनाथ शिंदे यांनी धडा शिकविला . राज्यात आणि राज्यात पुन्हा एकदा भाजप - सेना नैसर्गिक युती सत्तेत आणली .

तेव्हापासून मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या खिशात चार - चार विकासाची पेन भरारी घेत आहे . केंद्र व राज्याचे डबल इंजिनचे शासनाने राज्यात विकासाची गती आणली आहे असेही प्रदेशाध्यक्ष चंद्रशेखर बावनकुळे म्हणाले .

● लोकप्रतिनीधी या नात्याने शासनाच्या योजना प्रभावीरित्या गरजवंतापर्यंत पोहचविल्या ग्रामिण भागातील नागरिकांचे आरोग्य सदृढ राहण्यासाठी हरघर नल से जल ही योजना राबविल्या जात असल्याची माहीती याभागाचे आमदार प्रा . डॉ . अशोक उईके यांनी सभेत दिली आहे . २०१४ नंतर महाराष्ट्र राज्यात विकाला प्रचंड गती देण्याचे काम देवेंद्र फडणवीस यांनी केले .

या विकासाला खंडीत करण्याचा पाप २०१ ९ मध्ये उद्धव ठाकरे यांनी केले असल्याची टिका माजी आमदार आशिष देशमुख यांनी केली . यावेळी काँग्रेस व राष्ट्रवादीच्या कार्यशैलीवरही आशिष देशमुख यांनी ताशेरे ओढले .

सभेला प्रकाश भूमकाळे , माजी सभापती गौतम लांडगे , चित्तरंजन कोल्हे , विवेक परडखे , नितीन परडखे , नरेंद्र बोबडे , हेमंत ठाकरे , अजाबराव डाखरे , कैलास बोंदरे , अविनाश दहेकर , संजय राठी , गौतम लांडगे , अशोक राऊत , वृंदा पिसे , सुरेश वर्मा , भगिरथ गुप्ता , मो . सलीम , अनिकेत पोहोकार , मयुर पिसे यांची उपस्थिती होती .

यावेळी पोलीस पाटील संघटना , मेंढपाळसंघटना , भोईसमाज क्रांतीदल , तेलीसमाज संघटना , कोलाम संघटना , माळी समाज , जैन समाज संघटना , बेंबळा प्रकल्पग्रस्त आदी संघटनेने भाजपा प्रदेशाध्यक्ष चंद्रशेखर बावनकुळे यांना निवेदन दिले . सभेचे सुत्रसंचालन भाजप तालुकाध्यक्ष सतिश मानलवार यांनी केले . तर आभार आनंद सोळंके यांनी मानले .