अमरावती : लग्न केल्यानंतर ती दुसऱ्याची झाली. परंतु, तिच्यावर जिवापाड प्रेम करीत असल्याचे भासवून युवकाने लग्नाचा प्रस्ताव ठेवला व असभ्य वर्तन केले. एकेठिकाणी पतीला बघून युवकाने पळ काढला. वरुड ठाण्याच्या हद्दीत एका ऑटो थांब्यावर ही घटना घडली.
महिलेचे (वय २४) लग्न झाल्यावरसुद्धा संशयित आरोपी युवक जो वयाने तिच्यापेक्षा दोन वर्षांनी लहान आहे. परंतु, तिच्या एकतर्फी प्रेमात पडला. विवाहितेच्या मोबाईल नंबरवर वारंवार संपर्क करून ‘मी तुमच्यावर प्रेम करतो, माझ्यासोबत चला, लग्न करतो’. अशा एक नव्हे अनेक विनवण्या युवकाने बोलताना केल्या.
विवाहिता एक दिवस आपल्या पतीसोबत दुचाकीने गावाकडे परत जात असताना एका ऑटो थांब्याजवळ भेळपुरी खाण्याकरिता थांबली होती. परंतु, एकतर्फी प्रेम करणाऱ्या युवकाने भेळपुरीच्या गाडीपर्यंत विवाहितेचा पाठलाग करून तिला गाठले. पती शेजारी असताना त्याच्या नकळत महिलेसोबत जवळीक साधण्याचा युवकाने प्रयत्न केला.
पत्नीसोबत लगट करण्याच्या प्रयत्नात असलेल्या युवकाचा डाव पतीच्या लक्षात आला. आपण पकडल्या जाऊ या भीतीने एकतर्फी प्रेमात पडलेल्या युवकाने तेथून पळ काढला. पीडित नवविवाहितेने वरुड पोलिसांत याप्रकरणी तक्रार नोंदविली.
पोलिसांनी संशयित युवकाविरुद्ध विनयभंग, ठार मारण्याची धमकी दिल्याप्रकरणी गुन्हा दाखल केला. वरुड पोलिसांशी संपर्क साधला असता सोमवारपर्यंत महिलेचा पाठलाग करून असभ्य वर्तन करणाऱ्या युवकास अटक झाली नसल्याचे पोलिसांनी सांगितले.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.