Bachhu Kadu News: बच्चू कडूंचा पारा चढला, एकाला थेट कानशिलात लगावली; नेमकं प्रकरण काय?

Angry Bachchu Kadu slaps a man: अपक्ष आमदार आणि प्रहार संघटनेचे अध्यक्ष बच्चू कडूंनी एकाला कानशिलात लगावल्याची घटना कॅमेऱ्यात कैद झाली आहे. छत्रपती संभाजीनगरमधील या घटनेचा व्हिडिओ सोशल मीडियावर व्हायरल होत आहे.

दिव्यांग वित्त महामंडळाकडून मागील महिन्यात अतिशय निकृष्ट दर्जाच्या ई-रिक्षांचे वाटप करण्यात आले आहे. या ई रिक्षाच्या अपघात आणि नियंत्रण गेल्याच्या तसेच बॅटरी खराब असल्याच्या अनेक तक्रारी आल्या आहेत. याकरिता दिव्यांग वित्त महामंडळाचे अधिकारी आणि कंत्राटदार कंपनीस छ. संभाजीनगर येथे लाभार्थ्यांच्या रिक्षांची चाचणी घेण्यात आली. यावेळी निकृष्ट दर्जाच्या ई रिक्षा पाहून बच्चू कडूंचा पारा चढला आणि त्यांनी ई रिक्षा वाटप करणाऱ्या कंत्राटदार कंपनीच्या प्रतिनिधीच्या कानशिलात लगावली.