Kesariwada Ganpati: विठ्ठलाची भव्य मूर्ती अन् माऊली पालखी रथ, केसरीवाडा गणपतीची लक्षवेधी विसर्जन मिरवणूक

पुण्यातील मानाच्या पाचव्या केसरीवाडा गणपतीची विसर्जन मिरवणूक परंपरेप्रमाणे फुलांनी सजवलेल्या पालखीतून निघाली आहे. या पालखीत केसरीवाडा गणपती मंडळाचे गणराय विराजमान आहेत. मिरवणुकीत श्रीराम, शिवमुद्रा, आणि आवर्तन ही ढोल-ताशा पथके सहभागी झाली आहेत, तसेच बिडवे बंधूंचा सनई-चौघडा वादनही आहे. मिरवणुकीचे मुख्य आकर्षण म्हणजे विठ्ठलाची भव्य मूर्ती असलेला ‘माऊली’ रथ. इतिहास अभ्यासक मोहन शेटे हे लोकमान्य टिळकांच्या वेशभूषेत मिरवणुकीत सहभागी झाले आहेत. टिळक कुटुंबीय या मिरवणुकीत अग्रभागी चालताना दिसत आहेत.