Shivsena MLA Disqualification: शिवसेनेच्या सुनावणीवेळी सरन्यायाधीश का संतापले?

Supreme Court on Shivsena MLA Disqualification Hearing Update: शिवसेना आमदार अपात्रता प्रकरणी आज सर्वोच्च न्यायालयात सुनावणी झाली. यावेळी शिवसेनेच्या वकिलांकडून लवकरात लवकर याप्रकरणी सुप्रीम कोर्टानं निकाल लावण्याचा आग्रह धरण्यात आला. ठाकरे गटाच्या वतीने एका वकिलाने कोर्टाला सांगितलं की याप्रकरणाला विलंब लागतो आहे, तुम्ही लवकर तारीख द्या... त्यावर कोर्ट म्हणाले, तुम्ही आमच्या इथे येऊन बसा आणि तुम्हीच ठरवा... आम्ही एक दोन आठवड्यात तारीख देऊ. सरन्यायाधीश काहीसे संतापलेले दिसून आले, अशी माहिती सर्वोच्च न्यायालयातील वकील सिद्धार्थ शिंदेंनी दिली.

दरम्यान, शिवसेना आमदार अपात्रता प्रकरणी सुनावणी पूर्ण झाली असून, दोन्ही बाजूच्या वकिलांना कम्पाइल रिपोर्ट सादर करण्यास कोर्टानं सांगितलं आहे. त्यामुळे पुढच्या सुनावणीत म्हणजे सप्टेंबर अखेर ते ऑक्टोबरपर्यंत शिवसेना प्रकरणाचा निकाल लागण्याचे संकेत कोर्टानं दिल्याचं शिंदेंनी म्हटलंय.