Keshavrao Bhosale Natyagruha: कलाकार, तंत्रज्ञांच्या अश्रूंचा बांध फुटला ! हृदयच जळून खाक झाल्याच्या भावना

आग लागल्याची बातमी शहरात वाऱ्यासारखी पसरताच बघ्याची गर्दी नाट्यगृहाच्या परिसरात लोटली. त्यांना हटविताना पोलिसांना नाकीनऊ आले. संगीतसूर्य केशवराव भोसले यांच्या जयंती दिनाच्या आदल्या दिवशी लागलेल्या आगीने नागरिक मात्र हळहळले. आग लागल्याचे कळताच कलाकार मंडळी नाट्यगृहाच्या परिसरात पोहोचली. त्यांच्या डोळ्यांतून अश्रू वाहू लागले. ते हुंदके देत मित्र परिवाराला नाट्यगृहाला आग लागल्याची माहिती मोबाईलवरून देत होते.