Vanraj Andekar Case: "पोटावर पाय देतोस, तुला आज पोरं बोलावून ठोकतेच..."; लाडक्या बहिणीनं काय दिली होती वनराज आंदेकरला धमकी?

"पोटावर पाय देतोस, तुला आज पोरं बोलावून ठोकतेच...". ही एका बहिणीनं आपल्या भावाला दिलेली धमकी आहे. बरं ही धमकी केवळ शब्दात नाही तर प्रत्यक्षात उतरली अन् एका भावानं जीवही गमावला आहे. वनराज आंदेकरांच्या हत्येनं पुणे शहर हादरलं. आणि ही हत्या त्याच्याच सख्ख्या बहिणींनी घडवून आणल्याचं प्राथमिक तपासात समोर आलं आहे.

याप्रकरणी पोलिसांनी वनराज आंदेकर यांच्या दोन बहिणी, मेहुणा आणि भाच्यासह १५ जणांविरुद्ध गुन्हा दाखल केला असून, त्यापैकी पाच जणांना अटक केली आहे. यापैकी आरोपी जयंत लक्ष्मण कोमकर, गणेश लक्ष्मण कोमकर यांना न्यायालयाने नऊ सप्टेंबरपर्यंत पोलिस कोठडी सुनावली आहे.