Created By: Boom Live
Translated By: Sakal Digital Team
सोशल मीडियावर एक फोटो व्हायरल झाला आहे ज्यात राहुल गांधी यांच्या टी-शर्टवर "I love Nafrat ki Dukan" असा मजकूर दिसतो आहे. या फोटोमध्ये राहुल गांधी आणि प्रियांका गांधी एकत्र दिसत आहेत.वायनाड पोटनिवडणुकीच्या प्रचाराच्या अखेरच्या दिवशी राहुल गांधी आणि त्यांच्या बहिणी प्रियांका गांधी यांनी रोड शो केला होता.
सोशल मीडियावर आणि इतर पोस्टमध्ये असा दावा करण्यात आला आहे की स्क्रीनशॉटमध्ये दावा करण्यात आला आहे की, राहुल गांधी यांच्या टी-शर्टवर "love Nafrat ki Dukan" असा मजकूर आहे, जो त्यांचे विचार प्रतिबिंबित करतो. तसेच instagram वर देखील राहुल गांधींनी "I Love Gaza" असा मजकूर लिहिलेल्या शर्टचा फोटो व्हायरल होत आहे. एका पोस्टमध्ये विचारण्यात आलं आहे, "हा टी-शर्ट घालणारा कोण आहे? द्वेषाचा व्यापार कोण करू इच्छिते?"
पोस्टचे Archieve Version इथे पाहता येईल.
इंस्टाग्राम पोस्टचे Archieve Version इथे पाहता येईल.
BOOM Fact Check ने या फोटोची सत्यता तपासली असता असे दिसून आले की, हा फोटो एडिट केला गेला आहे. मूळ फोटोमध्ये राहुल गांधींच्या टी-शर्टवर "I Love Wayanad" असेच लिहिलेले आहे.
BOOM Fact Check ने रिव्हर्स इमेज सर्च करून मूळ फोटो शोधला, जो काँग्रेस पार्टीच्या अधिकृत इंस्टाग्राम अकाउंटवर उपलब्ध आहे. त्यात राहुल गांधींचा टी-शर्ट "I Love Wayanad" असेच म्हणतो.
काँग्रेसच्या अधिकृत सोशल मीडिया अकाउंट्सवरून या रोड शोच्या अनेक फोटो आणि व्हिडिओ पोस्ट करण्यात आले होते. या सर्वांमध्ये राहुल गांधींनी "I Love Wayanad" टी-शर्ट घघातल्याचे स्पष्टपणे दिसत आहे .
विविध मीडिया पोर्टल्स जसे की दैनिक भास्कर, झी न्यूज, आज तक, पत्रिका न्यूज, आणि काँग्रेसच्या यूट्यूब चॅनेलवर देखील या रोड शोची माहिती देण्यात आली असून त्यामध्ये राहुल गांधींच्या टी-शर्टवर "I Love Wayanad" असं स्पष्टपणे दिसतं.
निष्कर्ष
सोशल मीडियावर वायरल झालेला फोटो एडिट केलेला असून राहुल गांधी यांच्या टी-शर्टवर "love Nafrat ki Dukan" असा मजकूर खोटा आहे. मूळ फोटोमध्ये "I Love Wayanad" असाच मजकूर आहे. त्यामुळे हा दावा पूर्णपणे असत्य असून खोट्या माहितीच्या आधारे पसरवण्यात आला आहे.
(Boom Live या संकेतस्थळाने याबाबतचा रिपोर्ट प्रसिद्ध केला आहे. शक्ति कलेक्टिव्हचा भाग म्हणून 'सकाळ'ने याचं भाषांतर केलेलं आहे.)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.