Rohingyas from Bangladesh infiltrating West Bengal? Fact check of the viral video:
सध्या सोशल मीडियावर एक व्हिडिओ व्हायरल होत असून, या व्हिडिओमध्ये काही लोक काटेरी कुंपण ओलांडताना दिसत आहेत.
दरम्यान, बांगलादेशातल रोहिंग्या मुस्लीम सीमा ओलांडून भारतातील पश्चिम बंगालमध्ये प्रवेश करत असल्याचा दावा व्हिडिओच्या माध्यमातून केला जात आहे.
पण व्हिडीओची सत्यता तपासली असता, यातून वेगळेच सत्य समोर आले आहे.
बांगलादेशी रोहिंग्या मुस्लीम सीमा ओलांडून बेकायदेशीरपणे देशातील पश्चिम बंगला राज्यात प्रवेश करत असल्याचा दावा सोशल मीडिया X वर एका यूजरने केला आहे.
यूजरने हा व्हिडिओ 11 फेब्रुवारी 2024 रोजी शेअर केला होता, जो आतापर्यंत सुमारे 29 हजार लोकांनी पाहिला आहे.
या दाव्याबाबतची तथ्थे तपासल्यानंतर आम्हाला हा दावा खोटा असल्याचे आढळले.
रोहिंग्या भारतात घुसत असल्याचा दावा करत पोस्ट केलेला व्हिडिओ मूळ विश्वजित सरकार नावाच्या युट्यूब चॅनलवरील आहे.
विश्वजित यांनी या व्हिडिओच्या डिस्क्रिप्शनमध्ये लिहिले की, 'या व्हिडिओमध्ये बांगलादेशातून सीमा ओलांडून भारतात घुसखोरी करत असलेले भाटिया मुस्लिम दिसत आहेत. हे लोक कामासाठी भारतात येतात आणि भारतातील वेगवेगळ्या राज्यात पसरतात. त्यापैकी बरेच जण भारतात कायमचे राहतात.'
आम्ही केलेल्या पाडताळणीत असे आढळले की, हा व्हिडिओ पहिल्यांदा 15 एप्रिल 2015 रोजी विश्वजित सरकार यांनी आपल्या युट्यूब चॅनलवर अपलोड केला होता.
मात्र, आता 11 फेब्रुवारी 2024 रोजी सोशल मीडिया प्लॅटफॉर्म एक्स वर इमॉन मुखर्जी नावाच्या यूजरने मूळ व्हिडिओतील काही भाग दाखवत, बांग्लादेशातील रोहिंग्या मुस्लीम पश्चिम बंगालमध्ये घुसखोरी करत असल्याचा दावा केला आहे.
सर्व तथ्थे तपासल्यानंतर आम्हाला आढळले की, हा व्हिडिओ दिशाभूल करणारा आणि खोटा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
