Created By: thequint
Translated By: Sakal Digital Team
एका मतदान केंद्रावर एका पुरुषाने तीन महिलांच्या वतीने मतदान केल्याचा व्हिडिओ शेअर केला जात आहे आणि दावा केला जात आहे की, सध्या सुरू असलेल्या लोकसभा निवडणुकीदरम्यान ही घटना घडली आहे.
हा व्हिडिओ शेअर करणाऱ्यांनी त्या व्हिडीओसोबत "उत्तर भारतीय निवडणुका! 400 जागा मिळवण्याची ही मोदींची जादू आहे!" असं लिहलं आहे.
व्हिडिओ सोशल मीडिया प्लॅटफॉर्मवर मोठ्या प्रमाणावर शेअर केला गेला आहे, जसे की फेसबुक आणि एक्स (पूर्वीचे ट्विटर). तुम्ही येथे, येथे आणि येथे याच दाव्यांने शेअर केलेल व्हिडीओ पाहू शकता.
हा व्हिडिओ मे 2019 चा आहे आणि सध्याच्या सार्वत्रिक निवडणुकांशी या व्हिडीओचा काहीही संबंध नाही. वृत्तानुसार, हरियाणातील फरिदाबादमध्ये लोकसभा निवडणुकीदरम्यान ही घटना घडली होती.
गुगल लेन्स वापरून रिव्हर्स इमेज सर्च केल्यावर, 'thequint'ला हिंदुस्तान टाइम्सच्या अधिकृत यूट्यूब चॅनेलवर शेअर केलेले व्हिज्युअल आढळले.
व्हिडिओ रिपोर्ट 13 मे 2019 रोजी अपलोड करण्यात आला होता आणि त्याचे शीर्षक होते, "फरिदाबाद बूथवर मतदारांना प्रभावित केल्याबद्दल पोल एजंटला अटक."
फरिदाबादमधील मतदारांवर प्रभाव टाकल्याच्या आरोपाखाली एका पोलिंग एजंटला अटक करण्यात आल्याचे नमूद करण्यात आले आहे.
जिल्हा निवडणूक कार्यालय फरीदाबादने एफआयआर दाखल करून पोलिंग एजंटला अटक केली होती.
एनडीटीव्हीच्या एका वृत्तात म्हटले आहे की, राष्ट्रीय निवडणुकीच्या सहाव्या फेरीत मतदारांवर प्रभाव टाकल्याप्रकरणी फरीदाबादमधील एका पोलिंग एजंटला अटक करण्यात आली होती.
दुसऱ्या एका रिपोर्टमध्ये म्हटले आहे की, व्हिडिओमध्ये निळ्या रंगाचा टी-शर्ट घातलेला एक माणूस फरिदाबादच्या प्रितला येथे त्याच्या टेबलावर बसलेला दिसत आहे.
काही स्त्रिया जेव्हा मतदान करणार होत्या तेव्हा तो माणूस मतदानाच्या कक्षाकडे जाताना दिसतो.
रिपोर्टमध्ये जिल्हा निवडणूक कार्यालय फरिदाबादने पोलिंग एजंटला अटक केल्याची पुष्टी केली.
इंडिया टुडेनेही असाच एक रिपोर्ट शेअर केला असून ही घटना २०१९ च्या लोकसभा निवडणुकीतील आहे.
टीम WebQoof ने पूर्वी तोच व्हिडिओ debunked केला होता, जेव्हा तो 2020 च्या बिहार विधानसभा निवडणुकीशी खोटा जोडला गेला होता. तुम्ही येथे ते वृत्त वाचू शकता.
हा व्हिडिओ जुना आहे आणि 2024 च्या लोकसभा निवडणुकीशी खोटा संबंध जोडला जात आहे.
('thequint' या संकेतस्थळाने याबाबतचा रिपोर्ट प्रसिद्ध केला आहे. शक्ति कलेक्टिव्हचा भाग म्हणून 'सकाळ'ने याचं भाषांतर केलेलं आहे.)
--------------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
