प्रणाली मोरे
हृता दुर्गुळे तिचा २९ वा वाढदिवस साजरा करण्यासाठी सध्या नवरा प्रतिकसोबत परदेशात फुकेतला रवाना झाली आहे. सोशल मीडियावर तिनं फोटोदेखील शेअर केले आहेत.
हृता नुकतीच आपल्याला 'टाइमपास ३' आणि 'अनन्या' या चित्रपटातून दिसली. या सिनेमांच्या माध्यमातून तिनं आता सिल्व्हर स्क्रीनवर एन्ट्री केलीय.
हृताचे हे दोन्ही सिनेमे प्रेक्षकांना भलतेच पसंत पडले. यातील हृताच्या अभिनयालाही प्रेक्षकांनी चांगली पोचपावती दिली.
आता बातमी कानावर पडतेय की टाइमपास ३ सिनेमानं Zee5 या ओटीटी प्लॅटफॉर्मवरही स्थान मिळवलं आहे.
यादरम्यानच आता हृताची एक मुलाखत व्हायरल झालीय,ज्यात हृतानं आपल्या आव्हानांविषयी म्हटलेलं आहे.
हृता म्हणालीय,''मला भाषा ही नेहमीच आव्हानात्मक वाटते. कारण प्रत्येक ठिकाणची भाषा वेगळी असते, तसंच प्रत्येक व्यक्तीरेखेप्रमाणे ती बदलते म्हणून मला भाषा खूप आव्हानात्मक वाटते''.
'टाइमपास ३' मध्ये पालवी ही व्यक्तीरेखा साकारताना तिची रावडी भाषा आपल्यासाठी खूप मोठं आव्हान होतं असं हृता म्हणाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.