राजर्षी शाहू अभियांत्रिकी महाविद्यालयात प्रशासकीय स्थापत्यअभियांत्रिकीच्या माजी विद्यार्थ्यांचा जल्लोष.

ताथवडे, पुणे, ता. १ : राजर्षी शाहू अभियांत्रिकी आता रौप्य महोत्सवी वर्षात पदार्पण करत आहे. याचे औचित्य म्हणून स्थापत्य अभियांत्रिकी मधे माजी विद्यार्थी मेळावा आयोजित केला होता. या विद्यार्थ्यांचे विशेष हे की प्रशासकीय सेवेत वेगवेगळ्या पदांवर कार्यरत आहेत. जलसंपदा, महाराष्ट्र जल जीवन प्राधिकरण, सार्वजनिक बांधकाम विभाग, जिल्हा परिषद, महानगरपालिका, पर्यावरण, भूमी अभिलेख विभाग इ. प्रशासकीय सेवेत कार्यरत आहेत. यांचा कौतुक आणि सत्कार सोहळा हा अविनाश धर्माधिकारी (माजी आयएएस) आणि राजेंद्र डहाळे (आयपीएस) यांच्या हस्ते करण्यात आला. प्रशासनात पारदर्शकता आणि दक्षता तितकीच महत्त्वाची असते, असे मत मान्यवरांनी व्यक्त केले. डॉ. विटकर, डॉ. देवस्थळी, डॉ. बडदे , डॉ. बोर्डे यांनी राजर्षी शाहू अभियांत्रिकी महाविद्यालयाची वाटचाल समजावून सांगितली. स्थापत्य शाखे मधून आतापर्यंत १२९ विद्यार्थी प्रशासकीय सेवेत रुजू आहेत. त्याचबरोबर पूर्ण स्थापत्य अभियांत्रिकीच्या शिक्षक वृंदानी आपला सहभाग अतिशय उत्कृष्ट पणे सांभाळला. सूत्रसंचालन डॉ. राजकुवर डूबल आणि डॉ. गिरिजा देशपांडे यांनी केले.