- टू-व्हीलर चालवताना हेल्मेट अतिशय आवश्यक. मेंदू हा आपल्या शरीरातला सर्वांत महत्त्वाचा आणि संपूर्ण शरीराचं नियंत्रण करणारा अवयव. त्याचं संरक्षण करण्यासाठी हेल्मेट नक्की घाला. थोडं त्रासदायक नक्की वाटेल; पण त्याला इलाज नाही. हेल्मेट घेताना सुरक्षितताविषयक सगळे नियम त्यात काटेकोरपणे पाळले असतील याची खातरजमा करून घ्या. स्वस्त मिळतात म्हणून दर्जा कमी असलेली हेल्मेट्स घेऊ नका.
- इतर वाहनांपासून सुरक्षित अंतर ठेवा. आपण अनेक ठिकाणी हे वाचलेलं असतं; पण आपण त्याचं भान बाळगत नाही. विशेषतः उतारावर दुसऱ्या वाहनाच्या मागं असतो तेव्हा तर अंतर नक्की ठेवलं पाहिजे. कोणत्या क्षणी काय होईल सांगता येत नसतं. दुसऱ्या वाहनाच्या मागे असताना सुरक्षित अंतर ठेवलं पाहिजे, तसंच वाहनाच्या पुढं असतानाही सुरक्षित अंतर ठेवलं पाहिजे. चालवताना किंवा थांबली असताना वाहने अगदी चिकटून असल्यास अपघातांची शक्यता जास्त असते.
- मोठ्या रस्त्यांवर येणाऱ्या छोट्या गल्ल्या, धोकादायक वळणं अशा ठिकाणी वाहन चालवण्याची गती कमी करा. कोणत्या दिशेनं काय येऊ शकतं सांगता येत नाही. त्यामुळं अशा विशिष्ट टप्प्यांवर सावधपणे वाहन चालवणं आवश्यक. अनेकदा अशा ठिकाणी वाहनचालक समोर बघत असतो, त्यामुळं डावीकडून किंवा उजवीकडून काय येत आहे त्याकडं त्याला लक्ष देता येत नाही. विशेषतः वाहनाची गती जास्त असल्यास अगदीच स्वाभाविक. त्यामुळं अशा ठिकाणी गती कमी करणं, हॉर्न देणं अशा गोष्टी अतिशय महत्त्वाच्या. वाहनचालक हा अष्टावधानी असणं गरजेचं असतं असं म्हटलं जातं, ते अतिशय योग्य.
- स्पीडब्रेकर्स, खड्डे, चिखल, तेलाचा थर पसरलेला रस्ता, मोकाट जनावरे असलेली ठिकाणं अशा ठिकाणी वाहन चालवताना खूप सावध राहा. वेग कमी करायचाच; पण अशा ठिकाणी संतुलनही साधणं ही गोष्ट कठीण असतं. त्यामुळं त्याबाबतही काळजी घ्या. अनेक अपघात हे अशा ठिकाणीच होतात, हे लक्षात घ्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.