सबस्क्राईब करा
हरियाना आणि जम्मू काश्मीरमध्ये विधानसभा निवडणुकीचे निकाल आज जाहीर होत आहेत. यादरम्यान हरियानामध्यो भारतीय जनता पक्षाने मोठी मुसंडी मारली आहे. भाजपने येथे बहुमताचा आकडा ओलांडला आहे. आतापर्यंत येथे पाच राऊंडच्या मतांचीच मोजणी झाली आहे. यादरम्यान भाजपचे राष्ट्रीय अध्यक्ष जेपी नड्डा यांनी भाजपच्या सर्व महासचिवांची बैठक बोलवली आहे. यादरम्यान हरियाणात किंगमेकर बनन्याच्या उद्देशाने मैदानात उतरलेल्या आपला मात्र खातेही उघडता आलेले नाही.
दरम्यान हरियाना विधानसभा निवडणुकीत एकूण ८९ जागांवर निवडणुक लढवलेल्या आम आदमी पक्षाला २ टक्क्यांहून देखील कमी मते मिळाल्याचे दिसत आहे. या निराशाजनक कामगिरीनंतर आपच्या बंडखोर राज्यसभा खासदार स्वाती मालीवाल यांनी आपच्या जखमेवर मीठ चोळण्याचे काम केले आहे. त्यांनी अरविंद केजरीवाल यांचे नाव न घेता स्वतःच्या गृहराज्यात त्यांना डिपॉझीट देखील वाचवता येत नसल्याचा टोला लगावला आहे.
स्वाती मालीवाल यांनी आरोप केला की, आम आदमी पक्षाने काँग्रेसची मते खाल्ली आहेत. त्या म्हणाल्या की, फक्त काँग्रेसचा बदला घेण्यासाठी हरियानाच्या मैदानात उतरले. माझ्यावर भाजपचा एजंट असल्याचे खोटे आरोप केले, आज स्वतः इंडिया आघाडीसोबत गद्दारी करत काँग्रेसची मते खात आहेत. सगळं सोडा, विनेश फोगाटलादेखील हरवण्यासाठी उमेदवार दिला. अशी परिस्थिती का झाली. की स्वतःच्या गृहराज्यात डिपॉझीट देखील वाचवू शकत नाहीयेत? अजूनही वेळ आहे, अहंकार सोडा, डोळ्यावरून पडदा दूर करा, ड्रामा करू नका आणि लोकांसाठी काम करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
