छत्रपती संभाजीनगर : लोकसभा निवडणुकीत संपूर्ण मराठवाड्यात एकमेव छत्रपती संभाजीनगरची लोकसभेची जागा जिंकल्याने उत्साह संचारलेली शिवसेना (शिंदे) विधानसभा निवडणुकीत त्याच निकालाची पुनरावृत्ती करण्याच्या तयारीत असली तरी विधानसभेचे गणित वेगळे आहे. जागा राखणे हे सर्वांत मोठे आव्हान असून त्यातच पक्षाची शक्ती खर्च होणार आहे. या शिवाय लोकसभेला मदतीला आलेला जरांगे फॅक्टर यावेळी कितपत काम करेल याची चिंता या शिवसेनेला सतावत आहे.