Navratri Fast Recipe: नवरात्रीत बनवा राजगिऱ्यापासून स्वादिष्ट पुरी, नोट करा रेसिपी

Rajgira Puri Recipe:  शारदीय नवरात्री सुरू होऊन 6 दिवस पुर्ण झाले आहे. नऊ दिवस माता दुर्गेच्या नऊ रूपांची मनोभावे पूजा केली जाते. मान्यतेनुसार माता दुर्गेची पूजा केल्यास सर्व मनोकामना पूर्ण होतात.

नवरात्रीत सकाळी नाश्त्यात साबुदाणा खायचा नसेल तर स्वादिष्ट आणि आरोग्यदायी राजगिरा पुरी बनवू शकता. यात अनेक पोषक घटक असतात. जे आरोग्यासाठी फायदेशीर असतात. तसेच राजगिरा पुरी बनवणे खुप सोपे असून लवकर तयार होतात.

राजगिरा खाणे आरोग्यासाठी फायदेशीर असते. यामुळे वजन नियंत्रणात राहते. तसेच पचनक्रिया सुरळितपणे कार्य करते. शरीराची रोगप्रतिकारशक्ती वाढवण्याचे काम करते. तसेच कोलेस्टॉलची पातळी नियंत्रणात ठेवते. चला तर मग जाणून घेऊया राजगिरा पुरी बनवण्यासाठी कोणते साहित्य लागते आणि कृती काय आहे.

राजगिरा पुरी बनवण्यासाठी लागणारे साहित्य

राजगिरा पीठ

बटाट

सैंधव मीठ

पाणी

तेल

राजगिरा पुरी बनवण्याची कृती

सर्वात आधी बटाटे उकळून घ्यावे.

नंतर थंड करून बारिक करून घ्यावे.

बारिक केलेल्या बटाट्यामध्ये राजगिरा पीठ मिक्स करावे आणि चांगले मळून घ्यावे.

15 मिनिटे झाकण ठेवून बाजूला ठेवा.

मिश्रणाचे लहान ते मध्यम आकाराचे गोळे करा. झाकण किंवा कापसाच्या रुमालाने झाकून ठेवा.

पीठ लावून पुरी लाटून घ्यावी आणि गरम तेलात सोनेरी होईपर्यंत तळून घ्यावी.