Navratri Fast Recipe: नवरात्रीत सकाळी नाश्त्यात बनवा फ्रूटसॅलड, दिवसभर राहाल उत्साही

Fruits Salad Recipe: शारदीय नवरात्रीला हिंदू धर्मात खुप महत्व आहे. यंदा ३ ऑक्टोबरला नवरात्रीचा सण साजरा केला जाणार आहे. नवरात्रीत नऊ दिवस माता दुर्गेच्या नऊ रूपांची पूजा केली जाते. मान्यतेनुसार मनोभावे पूजा केल्यास सर्व संकट दूर होतात. अनेक लोक नऊ दिवस उपवास करतात. तुम्हीही नवरात्रीचा उपवास करणार असाल तर सकाळी नाश्त्यात फ्रुटसॅलेड बनवू शकता. फळं खाणे आरोग्यासाठी फायदेशीर असते. तसेच फळं खाल्याने दिवसभर थकवा जाणवणार नाही. तसेच शरीरातील पोषक घटक कमी होणार नाही. हा फ्रुटसॅलड बनवणे सोपा असून चवदार देखील आहे. चला तर मग जाणून घेऊया फ्रुटसॅलड कसा बनवतात आणि कृती काय आहे.

फ्रूटसॅलड बनवण्यासाठी लागणारे साहित्य

दोन मोठे चिकू

१ मोठे संत्र

२ मोठी मोसंबी

१ पेरू

१ डाळिंब

१ सफरचंद

पाव लिटर व्हॅनिला आइस्क्रीम किंवा आपल्या आवडीचे आइस्क्रीम

७-८ चमचे साखर

फ्रूटसॅलड बनवण्याची कृती

फ्रुटसॅलड बनवण्यासाठी सर्वात आधी सर्व फळे धुऊन घेऊन त्यांची साले काढावीत.

बिया काढून घ्याव्यात.

सर्व फळे बारीक चिरावीत.

डाळिंबाचे दाणे वेगळे करावेत.

संत्र-मोसंबीची बी प्रत्येक पाकळीतून काढून घ्यावी.

संत्र-मोसंबीचे पापुद्रेही काढून घ्यावेत.

त्याचे छोटे तुकडे करून ही सर्व फळे मोठ्या काचेच्या भांड्यात काढून घ्यावीत.

त्यात सात ते आठ मोठे चमचे साखर घालावी.

आवडते आइस्क्रीम घालावे.

तुम्हाला आवडत असल्यास यामध्ये सुकामेवासुद्धा घालू शकता.

हे सर्व मिश्रण एकत्र करून फ्रिजमध्ये ठेवावे.

तयार झाले आपले फ्रूटसॅलड.

हे सॅलड आपण पुरी, पोळी, चपाती इत्यादींबरोबर खाऊ शकतो.

लहान मुले हे आवडीने खातात.