आपल्याकडे ताट वाढण्याची एक पद्धत असते. ज्यात चपाती,भाजी,भात आमटी या मुख्य पदार्थांसोबत काही तोंडी लावले जाणारे पदार्थ बनवले जातात. ज्यामध्ये आळू वडी, पाट वडी, कोरड्या चटण्या यांचा समावेश असतो. वडी या प्रकारात बनवला जाणारा खांडवी हा पदार्थही लोकप्रिय आहे.
खांडवी हा गुजरातमधील लोकप्रिय पदार्थांपैकी एक आहे. हा पदार्थ दिसायला जितका सुंदर आहे चविलाही तितकाच स्वादिष्ट आहे. पण आपण जी गोड खांडवी बनवणार आहोत ती गोड आहे. (Navratri Special Vrat Recipe)
असा हा पदार्थ तुम्ही उपवासाला खाल्ला तर नाही चालणार. नवरात्रीच्या उपवासात तुम्हाला उपवासाची खांडवी खाता येईल याची सोय आम्ही करणार आहोत. त्यासाठी तुम्ही उपवासाची खांडवी कशी बनवायची हे पाहुयात.
वाटीभर स्वच्छ निवडलेले वऱ्याचे तांदूळ, पाऊण वाटी चिरलेला गूळ, अर्धी वाटी साखर, ५ ते ६ वेलदोड्यांची पूड, १ वाटी खोवलेला नारळ, २ टे. स्पून साजूक तूप.
वऱ्याचे तांदूळ स्वच्छ धुऊन निथळत ठेवावेत. जाड बुडाच्या पातेलीत साजूक तूप गरम करून धुतलेले वऱ्याचे तांदूळ त्यात घालून गुलाबी रंगावर परतावेत. त्यावर दीड वाटी आधणाचे पाणी घालून झाकण ठेवून दोन वाफा द्याव्यात.
वऱ्याचे तांदूळ शिजले की, त्यात चिरलेला गूळ, साखर व वेलदोड्याची पूड घालावी. चांगले ढवळून झाकण ठेवून दोन वाफा द्याव्यात.
थाळीला तूप लावून शिजलेल्या तांदळाच्या जाडसर वड्या पाडाव्यात. त्यावर वाटीभर ओला नारळ थापावा व जाडसर खांडवी थापावी.
साजूक तुपाबरोबर खायला चांगली लागते. गूळ व साखरेबरोबर खोवलेला १ वाटी नारळ घातला तर खांडवी चविष्ट होते.
वरई तांदूळ पाण्याच्या ऐवजी दीड वाटी नारळाच्या दुधात शिजवले तर खांडवी चांगली लागते. वऱ्याचे तांदुळ धुवून वाळवून मिक्सरवर रवाळ वाटून शिरा करावा चांगला होतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
