Sleep Weight Loss : व्यायाम अन् डाएट करून नाही तर झोपूनही कमी करता येतं वजन, कसं? जाणून घ्या

Sleeping Weight Loss Tips In Marathi : वाढते वजन कमी कसे करायचे हा प्रश्न आता सर्वत्रच आढळतो. बहुतेक प्रत्येकच जण या प्रश्नाचं उत्तर शोधत असतो. त्यासाठी जीम, डाएट अशा वेगवेगळ्या पद्धतीने कष्ट घेतात. पण वजन झपाट्याने वाढण्याचे मुख्य कारण चुकीची जीवनशैली असते. ऑफीसमध्ये सतत एकाच जागी बसून कामामुळे वजन, पोटाची चरबी वाढते.

पण जर तुम्हाला घरीच बसून वजन कमी करण्याचा विचार करत असाल तर तुम्ही झोपण्यापूर्वी या सोप्या टिप्स फॉलो करू शकतात.

गाढ झोपेत वजन बऱ्याच प्रमाणात नियंत्रित होऊ शकते. त्यामुळे झोपे संदर्भात काही गोष्टींची काळजी घेतली तर वजन नियंत्रित राहू शकते. त्यामुळे पोटाची चरबीपण कमी होऊ शकते.

पुरेशी झोप आवश्यक

जर तुम्हाला वजन नियंत्रित करायचं असेल तर गाढ झोप आवश्यक असते. एका संशोधनानुसार तुम्ही रोज नीट झोप घेत असाल तर तुमचे वजन नियंत्रित राहण्यास मदत होते. प्रत्येक व्यक्तीला किमान ७-८ तासांची पुरेशी झोप घेणं आवश्यक असतं. जेव्हा झोप पुरेशी होते तेव्हा वजन नियंत्रित राहतं.

आहारातील बदल

चांगल्या झोपेचा संबंध आहाराशी असतो. चांगली व गाढ झोप हवी असेल तर आहार काही बदल करणेही आवश्यक असते. यात रात्री हलके पदार्थ खावेत. पचण्यास सोपे असतात. जेवल्या जेवल्या झोपू नये. शिवाय जेवणानंतर किमान १० मिनीटे तरी चालावे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.