Paris Olympic 2024 : भारतीय नेमबाजांनी यंदा ऑलिंपिकमध्ये ठसा उमटवला; अभिनव बिंद्रा

मुंबई : भारतीय खेळाडूंनी पॅरिस ऑलिंपिकमध्ये सहा पदके पटकावली. यामधील तीन पदके ही नेमबाजी या खेळांमधून मिळाली. मनू भाकर हिने दोन, तर सरबज्योत सिंग व स्वप्नील कुसाळे यांनी प्रत्येकी एक पदक जिंकले. हाच धागा पकडून अभिनव बिंद्रा याने आपले मत व्यक्त करताना म्हटले की, भारतीय नेमबाजांनी यंदा ऑलिंपिकमध्ये ठसा उमटवला. .मागील ऑलिंपिकपेक्षा अधिक चांगली कामगिरी करून दाखवली. अर्थात आणखी पदके जिंकण्याची क्षमता भारतीय नेमबाजांमध्ये होती. काही पदके कमी गुणांनी गमावली आहेत. सर्वांनीच प्रचंड मेहनत केली आहे. त्यामुळे सर्व खेळाडूंचाच अभिमान वाटत आहे.अभिनव बिंद्रा याने मनूच्या ऑलिंपिकमधील कामगिरीबाबत आनंद व्यक्त केला. तसेच, तिचे प्रशिक्षक जसपाल राणा यांचीची स्तुती केली. तो म्हणाला, जसपाला राणा यांच्याकडे अफाट ज्ञान आहे. ते आपल्या शिष्याकडून कसून सराव करवून घेत असतात. .Paris Olympic 2024 : आंतरराष्ट्रीय स्पर्धेचा थरार मायदेशात होण्याची इच्छा; नीरज चोप्रा.ही चांगली बाब आहे. मनू व जसपाल यांच्यामध्ये काही वर्षांपूर्वी वाद निर्माण झाला होता; पण मनू हिने मागील घटना विसरून स्वत: पुढाकार घेतला व वाद मिटवला. यासाठी मनू हिचे कौतुक करावे तेवढे कमीच आहे. मनू हिनेही जसपाल यांच्याकडून पुन्हा मार्गदर्शन घेण्याचा उत्तम निर्णय घेतला.मनू हिने अपयश मागे टाकलेमनू भाकर हिचे कौतुक करताना अभिनव बिंद्रा याने म्हटले की, मनू हिला टोकियो ऑलिंपिकमध्ये निराशेला सामोरे जावे लागले; पण तिने पॅरिस ऑलिंपिकमध्ये दोन पदके पटकावत झोकात पुनरागमन केले. युवा खेळाडूंना तिच्याकडून हे शिकण्यासारखे आहे..मनू भाकरच्या आयुष्यातील या गोष्टी कित्येकांना माहीत नाहीत .स्वप्नील कुसाळेचे ध्येय वाखाणण्याजोगेअभिनव बिंद्रा याने महाराष्ट्राच्या स्वप्नील कुसाळे याच्या खेळाचेही कौतुक केले. तो म्हणाला, स्वप्नील याने पॅरिस ऑलिंपिकचा उद्घाटन सोहळा टाळला. नेमबाजीचा सराव शातोरू येथे सुरू होता. उद्घाटन सोहळ्यासाठी त्याला शातोरू ते पॅरिस असा प्रदीर्घ प्रवास करावा लागणार होता; पण आपल्या शरीराकडे बघून त्याने उद्घाटन सोहळ्याला न जाणेच पसंत केले. स्पर्धेसाठी लागणारी ऊर्जा त्याने कायम ठेवण्याचा प्रयत्न केला. काही वेळा अशा छोट्या बाबीही पदक मिळवण्याच्या दृष्टिने महत्त्वाच्या ठरतात..ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Paris Olympic 2024 : भारतीय नेमबाजांनी यंदा ऑलिंपिकमध्ये ठसा उमटवला; अभिनव बिंद्रा

Related Stories