Abhinav Bindra Post on Vinesh Phogat CAS Verdict Delay: पॅरिस ऑलिम्पिक २०२४ स्पर्धेदरम्यान भारताची कुस्तीपटू विनेश फोगट हिला अंतिम फेरीपूर्वी १०० ग्रॅम वजन जास्त असल्याने अपात्र ठरवण्यात आले. त्यामुळे तिला सुवर्ण पदकाचा सामनाही खेळता आला नाही.
विनेशने आधी योग्यपद्धतीने तीन सामने खेळून अंतिम फेरी गाठली होती. मात्र, अंतिम सामन्याच्या दिवशी तिचं वजन जास्त भरल्याचा फटका तिला बसला. तिला अपात्र ठरव्यानंतर तिने ज्या खेळाडूविरुद्ध उपांत्य फेरीत विजय मिळवला, त्या खेळाडूला अंतिम सामन्यात स्थान देण्यात आलं.
या सर्व प्रकरणाबाबत तिने क्रीडा लवादाकडे दाद मागितली होती. तिला किमान विभागून रौप्य पदक मिळावं यासाठी विनंती केली होती. या प्रकरणी सुनावणी झाली असून अद्याप निकाल आलेला नाही, गेल्या अनेक दिवसांपासून निकाल लांबणीवर पडत आहे.
