Champions Trophy 2025 : मागच्या वर्षी आशिया चषक स्पर्धेवरून जे रामायण घडले होते, त्याची पुनरावृत्ती पुढल्या वर्षी होणाऱ्या चॅम्पियन्स ट्रॉफीवरून होताना दिसतेय. पाकिस्तान क्रिकेट बोर्डाला ( PCB) चॅम्पियन्स ट्रॉफी स्पर्धेचे यजमानपद दिले, तेव्हाच हा वाद होईल हे स्पष्ट होते. भारत आणि पाकिस्तान या शेजाऱ्यांमधील बिघडलेले संबंध पाहता टीम इंडिया पुढल्या वर्षी पाकिस्तान दौऱ्यावर जाणार नाही, हे स्पष्ट झाले आहे. BCCI नेही आम्ही येत नाही, असे पाकिस्तानला ठणकावून सांगितले आहे. PCB नेही तसं लेखी द्या मग पुढचं पाहू... असा अप्रत्यक्ष इशारा दिला आहे. आता या सर्वात आंतरराष्ट्रीय क्रिकेट परिषदेची म्हणजेच ICC ची गोची झाली आहे.