Pakistan to ask ICC : चॅम्पियन्स ट्रॉफीसाठी भारतीय संघ येणार नाही, हे स्पष्ट झाल्यावर पाकिस्तानचा जळफळाट झाला आहे. सुरक्षेच्या कारणास्तव पाकिस्तानात पुढील वर्षी होणाऱ्या स्पर्धेसाठी भारतीय संघाला पाठवण्यास BCCI चा नकार आहे. केंद्र सरकारचीही टीम इंडियाला पाकिस्तानात पाठवण्यास मनाई आहे. आंतरराष्ट्रीय क्रिकेट परिषदेने ( ICC ) बीसीसीआयचा हा निरोप ई मेल द्वारे पाकिस्तान क्रिकेट बोर्डाला ( PCB ) कळवला आहे. आता पाकिस्तान बोर्डाने ICC ला मेल पाठवला आहे आणि भारतीय संघ का येत नाही, याचं नेमकं उत्तर मागितलं आहे. त्याचवेळी हायब्रिड मॉडेलला नकार असल्याचेही पीसीबीने कळवले आहे. त्यामुळे हा पेच आता आणखी वाढण्याची शक्यता निर्माण झाली आहे.