Champions Trophy 2025: चॅम्पियन्स ट्रॉफी २०२५ स्पर्धेच्या आयोजनाचा वाद इरेला पेटला आहे. भारत आणि पाकिस्तान या दोन देशात याबाबत विविध चर्चा होत आहेत. पुढीलवर्षी फेब्रुवारी - मार्च दरम्यान होणाऱ्या या स्पर्धेचे अधिकृत आयोजक पाकिस्तान आहे.
पाकिस्तानमध्ये या स्पर्धेसाठी तयारीही सुरू आहे. परंतु. या स्पर्धेसाठी भारतीय संघ पाकिस्तानला जाणार नसल्याचे बीसीसीआयने स्पष्ट केले आहे. त्यामुळे ही स्पर्धा हायब्रिड मॉडेलनुसार खेळवली जावी असा एक पर्याय होता. मात्र आता पाकिस्तान क्रिकेट बोर्डही मागे हटत नसल्याचे दिसत आहे.
