Vinesh Phogat News: भारताची कुस्तीपटू विनेश फोगाट आता राजकारणात उतरण्याची दाट शक्यता आहे. आगामी हरियाणा विधानसभा निवडणूक ती लढवू शकते. याबाबत तिच्या निकटवर्तींयांनीच माहिती दिली आहे.
दरम्यान, लक्षात घेण्यासारखी गोष्ट अशी की विनेशने यापूर्वीच सांगितले होते की तिला सक्रीय राजकारणात प्रवेश करायचा नाही. पण समोर आलेल्या रिपोर्ट्सनुसार अनेक राजकीय पक्ष दिला यासाठी मनवण्याचा प्रयत्न करत आहेत.
फोगाट कुटुंबियांच्या निकटवर्तीयांनी आयएएनएसशी बोलताना सांगितले की कदाचीत आगामी हरियाणा निवडणूकीत विनेश फोगाट विरुद्ध बबिता फोगाट या दोन चुलत बहि‍णींमध्ये आणि बजरंग पुनिया विरुद्ध योगेश्वर दत्त असे चित्र दिसू शकते.
यातून बजरंग पुनियाही निवडणूकीच्या मैदानात उतरण्याचे संकेत मिळाले आहेत. दरम्यान, जर विनेश राजकारणात प्रवेश करणार असेल, तर कोणत्या पक्षात प्रवेश करणार, हे अद्याप स्पष्ट झालेले नाही.
बबिताने यापूर्वीच २०१९ मध्ये भारतीय जनता पक्षात प्रवेश केला होता.
