Paris Olympics 2024 : अमेरिकेचा धावपटू नोहा लिल्स याने अखेर तेच केले ज्याची गेल्या महिनाभरापासून जगभरात चर्चा होत होती. पुरुषांच्या 100 मीटर शर्यतीतील सर्वात रोमांचक शर्यतींपैकी एकामध्ये सुवर्णपदक जिंकून नोहा लायल्स हा जगातील सर्वात वेगवान पुरुष बनला आहे. श्वास रोखून धरणाऱ्या या 10 सेकंदांमध्ये जगातील अव्वल खेळाडूंमध्ये अशी स्पर्धा रंगली होती की, हा फरक एका सेकंदाच्या छोट्या पॉईंटवर ओळखता आला नाही.
हा सामना अतिशय चुरशीचा आणि रोमांचक होता. अमेरिकन धावपटू लायल्सने 9.784 सेकंदांच्या आयुष्यातील सर्वोत्तम वेळेसह शर्यत पूर्ण केली, परंतु असे करणारा तो एकमेव धावपटू नव्हता. जमैकाचा धावपटू किशन थॉम्पसन यानेही त्याच वेळेत शर्यत पूर्ण केली, या दोन धावपटूंमध्ये फक्त 0.005 सेकंदांचा फरक होता, ज्यामुळे हा सामना ऑलिम्पिक इतिहासातील सर्वात भारी ठरला. तर अमेरिकेचा धावपटू फ्रेड कर्लीने 9.81 सेकंद वेळेसह कांस्यपदक जिंकले.
पुरुष 100 मीटर अंतिम निकाल
सुवर्ण पदक : नोहा लायल्स (यूएसए) - 9.784 सेकंद
रौप्य पदक: किशन थॉम्पसन (जमैका) - 9.789 सेकंद
कांस्य पदक : फ्रेड केर्ली (यूएसए) - 9.810 सेकंद
त्याच वेळी, गेल्या वेळचा सुवर्णपदक विजेता इटलीच्या जेकब्स मार्सेलने 9.85 सेकंदात शर्यत पूर्ण करून हंगामातील सर्वोत्तम कामगिरी केली, परंतु तरीही तो पाचव्या स्थानावर राहिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
