Paris Olympic 2024 Day 8: मनू भाकर तिसरं पदक जिंकणार अन् तिरंदाजीत इतिहास रचला जाणार? पाहा आठव्या दिवसाचं वेळापत्रक

Paris Olympic 2024 Schedule on 3 August :पॅरिस ऑलिम्पिक २०२४ स्पर्धेतील आठवा दिवस भारतासाठी ऐतिहासिक ठरू शकतो. भारताला नेमबाजी, तिरंदाजी आणि बॉक्सिंगमध्ये पदक मिळवण्याची संधी आहे.

भारताची २२ वर्षीय नेमबाज मनू भाकर हिने महिलांच्या २५ मीटर पिस्तुल प्रकारात अंतिम फेरीत प्रवेश केला आहे. तिने याआधी १० मीटर एअर पिस्तुल प्रकारात महिलांच्या आणि मिश्र गटात कांस्य पदक जिंकले आहे. आता तिला तिसरं पदक जिंकून इतिहास रचण्याची संधी आहे. तिनं हे पदक जिंकलं, तर ती तीन ऑलिम्पिक पदकं जिंकणारी पहिलीच भारतीय ठरणार आहे.

याशिवाय तिरंदाजीत दिपीका कुमारी आणि भजन कौर प्री-क्वार्टरफायनमध्ये खेळणार आहेत. त्यांनी जर विजय मिळवला तर त्यांनाही पदक मिळवण्याची संधी असणार आहे. याशिवाय बॉक्सिंगमध्ये निशांत देव पदक निश्चित करण्यासाठी खेळेल. जर त्याने आज क्वार्टरफायनलमध्ये विजय मिळवला तर त्याचं पदक निश्चित होईल.

याशिवाय नेमबाजीत स्किट प्रकारातील क्वालिफायर्स होणार आहेत. तसेच गोल्फची तिसरी फेरी सुरू होत आहे. सेलिंगमध्येही नेत्रा कुमनन आणि विष्णू सर्वनन शर्यतीत उतरणार आहेत.

नेमबाजी

• महिला २५ मीटर पिस्तुल फायनल (दुपारी १.०० वाजता) (मनू भाकर)

• पुरुष स्किट क्वालिफायर्स दुसरा दिवस (दुपारी १२.३० वाजता) (अनंतजीत सिंग)

• पुरुष स्किट फायनल (संध्या ७ वाजता) (जर पात्र ठरला तर)

• महिला स्किट क्वालिफायर्स पहिला दिवस (दुपारी १२.३० वाजता) (महेश्वरी चौहान, रिझा धिल्लोन)

गोल्फ

• पुरुष वैयक्तिक स्ट्रोक प्ले तिसरी फेरी (दुपारी १२.३० वाजता)(शुभंकर शर्मा, गगनजीत भुल्लर)

तिरंदाजी

• महिला वैयक्तिक राऊंड ऑफ १६ (दुपारी १.५२ वाजल्यापासून) (दिपीका कुमारी, भजन कौर)

• महिला वैयक्तिक क्वार्टरफायनल (संध्या ४.५६ वाजता) (पात्र ठरल्या तर)

• महिला वैयक्तिक सेमीफायनल (संध्या ५.३५ वाजल्यापासून) (पात्र ठरल्या तर)

• महिला वैयक्तिक कांस्य पदकासाठी सामना (संध्या. ६.०३ वाजता) (पात्र ठरल्या तर)

• महिला वैयक्तिक सुवर्ण पदकासाठी सामना (संध्या. ६.१६ वाजता) (पात्र ठरल्या तर)

सेलिंग

• पुरुष डिंघी रेस ५ आणि ६ (दुपारी ३.४५ वाजता) (विष्णू सर्वनन)

• महिला डिंघी रेस ५ आणि ६ (संध्या. ५.५५ वाजता) (नेत्रा कुमनन)

बॉक्सिंग

• पुरुष ७१ किलो वजनी गट क्वार्टरफायनल (मध्यरात्री १२.१८ वाजता (४ ऑगस्ट)) (निशांत देव)