Paris Olympic 2024 Hockey QF Draw India : टोकियो ऑलिम्पिक स्पर्धेतील कांस्यपदक विजेता भारतीय संघ पॅरिसमध्ये पदकाचा रंग बदण्याच्या निर्धाराने खेळतोय... पॅरिस ऑलिम्पिक स्पर्धेत ब गटात बेल्जियम, ऑस्ट्रेलिया, अर्जेंटिना, न्यूझीलंड आदी तगड्या प्रतिस्पर्धींना भारत पुरून उरला... काल साखळी गटातील शेवटच्या लढतीत ऑस्ट्रेलियाला ३-२ असे नमवले गेले आणि ५२ वर्षांनंतर भारताने ऑलिम्पिक स्पर्धेत कांगारूंवर मात केली. या विजयामुळे भारतीय संघाने १० गुणांसह गटात दुसरे स्थान निश्चित केले. आता उपांत्य फेरीत त्यांच्या मार्गात तोच जुना स्पर्धक उभा राहिला आहे...
भारतीय संघाने गटातील पहिल्याच सामन्यात न्यूझीलंडवर ३-२ असा रोमहर्षक विजय मिळवला. शेवटच्या मिनिटाला हरमनप्रीत सिंगने गोल करून किवींना पराभूत केले. अर्जेंटिनाविरुद्धची मॅचही शेवटच्या मिनिटाला १-१ अशी बरोबरीत सोडवली गेली. पाठोपाठ भारताने २-० अशा फरकाने आयर्लंडला लोळवले. भारताची ही अपराजित मालिका बेल्जियमने ( २-१) रोखली. पण, त्याचा भरपाई ऑस्ट्रेलियाविरुद्धच्या लढतीतून ( ३-२) केली गेली.
भारतीय संघाने ब गटातून दुसऱ्या स्थानासह उपांत्यपूर्व फेरीतील स्थान पक्के केले आहे. त्यांच्यासमोर अ गटातीत तिसऱ्या स्थानावरील ग्रेट ब्रिटनचे आव्हान आहे. हा सामना उद्या दुपारी १.३० वाजता खेळवला जाईल. उपांत्यपूर्व फेरीच्या अन्य लढतींत ब्लेजियम विरुद्ध स्पेन, नेदरलँड्स विरुद्ध ऑस्ट्रेलिया आणि जर्मनी विरुद्ध अर्जेंटिना असे सामने होणार आहेत... हेही सामने उद्याच होतील...
टोकियो ऑलिम्पिकचा योगायोग..
तीन वर्षांपूर्वी टोकियोत पार पडलेल्या ऑलिम्पिक स्पर्धेत भारताने कांस्यपदक जिंकले होते. १९८०च्या मॉक्सो गोल्डनंतर ऑलिम्पिकमध्ये भारताला हॉकीचे पदक जिंकण्यासाठी ४० वर्ष वाट पाहावी लागली. यंदा भारतीय संघ हरमनप्रीत सिंगच्या नेतृत्वाखाली या पदकाचा रंग बदलतील अशी अपेक्षा आहे. तसा योगही जुळून आला आहे.
२०२१ च्या ऑलिम्पिकच्या उपांत्यपूर्व फेरीचा ड्रॉ आणि यंदाच्या उपांत्यपूर्व फेरीचा ड्रॉ सारखा आहे. भारताने तेव्हा ३-१ अशा फरकाने ग्रेट ब्रिटनला पराभूत केले होते. परंतु उपांत्य फेरीत त्यांना ब्लेजियमकडून हार मानावी लागली होती आणि कांस्यपदकाच्या लढतीत भारताने ५-४ असे जर्मनीला पराभूत केले होते. यावेळी मात्र भारताला उपांत्य फेरीत जर्मनी-अर्जेंटिना यांच्यातील विजेत्याशी खेळावे लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
