PR Sreejesh ला खेळाडूंचा कुर्निसात! ऐतिहासिक पदकानंतर पाहा टीम इंडियाचं सेलिब्रेशन, जिंकली मनं

Paris Olympic 2024 Hockey India won bronze: भारतीय पुरुष हॉकी संघाने गुरुवारी दिग्गज गोलरशक्षक पी आर श्रीजेश याला ऑलिम्पिक कांस्यपदक भेट दिले. श्रीजेशची ही भारताकडून शेवटची स्पर्धा होती आणि टीम इंडियाने सुवर्णपदकाचे ध्येय ठेवले होते. पण, अटीतटीच्या लढतीत भारत हरला अन् आज कांस्यपदकाच्या लढतीत स्पेनला भिडला. कर्णधार हरमनप्रीत सिंगच्या दोन गोलच्या जोरावर भारताने हा सामना २-१ असा जिंकून कांस्यपदक नावावर केले. ५२ वर्षांनंतर भारताने ऑलिम्पिकमध्ये सलग दोन पदकं नावावर केली.

india hockey bronze medal match भारतीय पुरूष हॉकी संघाने १९२८ ते १९५६ अशी सहा सुवर्णपदकं जिंकली होती. १९६०च्या रोम ऑलिम्पिकमध्ये हॉकी संघाला रौप्यपदकावर समाधान मानावे लागले होते. त्यानंतर १९६४ व १९८० मध्ये भारताने पुन्हा सुवर्ण कामगिरी केली. १९६८, १९७२ व २०२० मध्ये भारताला कांस्यपदकावर समाधान मानावे लागले होते. भारतीय संघाने ५२ वर्षांनंतर पुन्हा एकदा सलग दोन कांस्यपदक जिंकण्याचा पराक्रम आज करून दाखवला. या विजयानंतर पी आर श्रीजेशला सर्वांनी कुर्निसात केला. हरमनप्रीतने त्याला खांद्यावर उचलून घेतले.

२००४ मध्ये श्रीजेश पहिल्यांदा ज्युनियर कॅम्पमध्ये आला होता आणि आज तो दोन दशकानंतर भारताचा महान खेळाडू म्हणून निवृत्त होतोय... त्याचं घरातील कपाट असंख्य ट्रॉफी अन् पदकांनी भरलेलं आहे. ऑलिम्पिक कांस्यपदक, आशिया स्पर्धेचं सुवर्ण ( आणि कांस्य), राष्ट्रकुल स्पर्धेचं रौप्य आणि चॅम्पियन्स ट्रॉफीची अनेक पदकं त्याच्या नावावर आहेत. आज तो भारतीय संघातील सर्वात वयस्कर खेळाडू आहे.

भारत-स्पेन यांच्यातल्या पहिल्या १५ मिनिटांत दोन्ही संघांनी एकमेकांना टक्कर दिल्यानंतर स्पेनने १८व्या मिनिटाला मार्क मिरालेसला आघाडी मिळवून दिले. त्याला ३०व्या मिनिटाला हरमनप्रीत सिंगने पेनल्टी कॉर्नरवर गोल करून उत्तर दिले. ३३व्या मिनिटाला हरमनप्रीतने आणखी एक गोल करून भारताला २-१ अशी आघाडी मिळवून दिली आणि शेवटच्या सेकंदापर्यंत ती टिकवून बाजी मारली.