Navratri 2024: नवरात्रीत नारळाचे करा 'हे' सोपे उपाय, मेहनतीचे योग्य फळ मिळेल

Navratri 2024: शारदीय नवरात्रीला ३ ऑक्टोबरपासून सुरूवात झाली आहे. शारदीय नवरात्रीला हिंदू धर्मात पवित्र सण मानला जातो. नऊ रात्रीत माता दुर्गेच्या नऊ रूपांची मनोभावे पूजा केली जाते. देशभरात नवरात्रीचा उत्साहा आनंदात साजरा केला जातो.

आज नवराजत्रीचा दुसरा दिवस असून माता ब्रम्हाचारिणीला समर्पित आहे. नऊ दिवस माता दुर्गेच्या नऊ रूपांची मनोभावे पूजा केल्यास घरात सुख-शांती लाभते तसेच अडकलेल्या कामात यश मिळते.

नारळाचे पुढील उपाय करावे

यश मिळणे

तुम्हाला कष्ट करून सुद्धा यश मिळत नसेल तर नवरात्रीत भगवान विष्णू आणि माता लक्ष्मीची पिधीवत आणि मनोभावे पूजा करावी. तसेच नारळ पिवळ्या कपड्यात गुंडाळून अर्पण करावे. असे केल्यास तुम्हाला कष्टाचे फळ लवकर मिळेल.

शनिदोष दूर

नवरात्रीत नारळासंबंधित उपाय केल्यास शनिदोष कमी होऊ शकतो. यासाठी कोणत्याही नदीत नारळ घेऊन तो ओम रामदुताय नम: मंत्राचा जप करून अर्पण करावा. असे केल्याने शनिदेवाचा नकारात्मक प्रभाव कमी होऊ शकतो. तसेच शनिदेव प्रसन्न होतील.

नकारात्मक ऊर्जा

जर तुमच्या घरात नकारात्मक ऊर्जा असेल तर शारदीय नवरात्रीमध्ये एका लाल कपड्यात नारळ बांधून श्रीगणेशाला अर्पण करावे. हे नारळ मुख्य प्रवेश दारावर लावावे. असे केल्याने घरातील नकारात्मक ऊर्जा कमी होऊ शकते.

आर्थिक समस्या

नवरात्रीत नारळाचे काही सोपे उपाय केल्यास आर्थिक समस्या कमी होऊ शकते. यासाठी सकाळी गणपती बाप्पाला आणि महालक्ष्मीलचे पूजन करावे. पूजेत एक नारळ ठेवावे. पूजा झाल्यावर नारळ तिजोरीत ठेवावे. नंतर रात्री नारळ काढून प्रार्थना करत गणपती बाप्पाच्या मंदिरात अर्पण करावे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.