Navratri Kanya Puja 2024: कन्या पूजनाच्या दिवशी चुकूनही मुलींना 'या' भेटवस्तू देऊ नका, अन्यथा माता दुर्गा होईल नाराज

Navratri Kanya Puja 2024: शारदीय नवरात्रीत नऊ दिवस माता दुर्गेच्या नऊ रूपांची पूजा केली जाते. मान्यतेनुसार माता दुर्गेच्या रूपांची पूजा केल्यास सर्व मनोकामाना पूर्ण होतात आणि संकटे दूर होतात. नवरात्रीत नवमीला लहान मुलींना जेवणासाठी बोलावतात आणि पूजा करतात आणि भेटवस्तू देतात.

मान्यतेनुसार नवरात्रीचा उपवासाचे पूर्ण फळ तेव्हाच मिळते जेव्हा तुम्ही लहान मुलींना देवी मानून त्यांची पूजा करता. त्याला कन्यापूजा असेही म्हणतात.

नवरात्रीत देवीचे भक्त अष्टमी आणि नवमी तारखांना कन्या पूजा करतात. यंदा 11 ऑक्टोबर साजरी केली जाणार आहे. या दिवशी अष्टमी-नवमी एकाच दिवशी आले आहे. त्यामुळे अष्टमी आणि नवमीच्या दिवशी कन्यापूजा करणे शुभ मानले जात आहे.

कन्यापूजेच्या दिवशी 2-10 वयोगटातील लहान मुलींना बोलावणे जाते. मान्यतेनुसार लहान मुलींची पूजा केल्याने माता दुर्गा प्रसन्न होते आणि घरात सुख-समृद्धी नांदते. पण कन्यापूजनाच्या दिवशी पुढील चुका करू नका. अन्यथा माता दुर्गा नाराज होऊ शकते.

मुलींना कोणत्या गोष्टी भेटवस्तू देणे टाळावे

• कन्यापूजेच्या वेळी लहान मुलींना स्टीलची भांडी किंवा प्लास्टिकच्या गोष्टी भेटवस्तू देऊ नका. कारण हिंदू धर्मात पूजेदरम्यान या गोष्टी अशुभ मानल्या जातात.

• या दिवशी लहान मुलींना काचेच्या वस्तू किंवा धारदार वस्तू लहान मुलींना देऊ नका.

• कन्यापूजेनंतर मुलींना कधीही काळे कपडे किंवा काळे रुमाल देऊ नका.

• त्याऐवजी तुम्ही लाल रंगाची ओढणी किंवा लाल कपडे गिफ्ट करू शकता.

पुढील चुका करू नका

• नवरात्रीत कन्यापूजनाच्या दिवशी लहान मुली घरी आल्यावर त्यांचे पहिले पाय धुवावे आणि नंतर त्यांना आसनावर बसवावे.

• या दिवशी मुलींना जेवणात लसूण आणि कांदा असलेले पदार्थ देऊ नका. तुम्ही पुरी, भाजी या पदार्थांचा समावेश करावा.

• लहान मुलींचा आशीर्वाद घ्यावा. त्याशिवाय त्यांना घराबाहेर जाऊ देऊ नका. अन्यथा माता दुर्गा नाराज होते.

• मुलींना निरोप दिल्यानंतर लगेच घराची स्वच्छ करू नका.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.