Sleeping Tips : सावधान! हिवाळ्यात सकाळी लवकर उठणं ठरू शकतं धोक्याच, शास्त्रज्ञांचा नवीन शोध

Sleeping Tips : सकाळी लवकर उठायची सवय कधीही चांगली. आपण आपल्या आजीकडून हे ऐकलंही असेल की “जो सकाळी लवकर उठतो, त्याला सुख, शांती, समाधान, भरभराट, यश सगळंच मिळत.” पण शास्त्रज्ञांच्या नवीन संशोधनानुसार ही बाब धोकादायक आहे.

अनेकांना सकाळी लवकर उठण्याची सवय असते, किंवा ऑफिसच्या कामामुळे, कॉलेजमुळे, मुलांच्या शाळेमुळे लवकर उठाव लागतं. पण हे असं बळजबरी उठणं आरोग्यासाठी हानिकारक ठरू शकतं.

शरीराला कमीत कमी 5-6 तासांची झोप गरजेची असते. असा सामान्य समज आहे की, रात्री जागरण करून काम करणारे लोकं क्रिएटिव असतात, आणि अनेक कलाकार हे मान्यही करतील की जे लक्ष आपल्या कामात रात्री लागत ते दिवसा लागत नाही. विद्यार्थ्यांनाही रात्रीच अभ्यास करायचा असतो.

हिवाळ्यात मुद्दाम लोकं सकाळी लवकर उठतात

काही लोकं हिवाळ्यात व्यायाम करण्यासाठी मुद्दाम लवकर उठतात. हिवाळ्यात स्नायूंचे त्रास वाढू शकतात, शिवाय साथीच्या आजरांचा धोकाही असतो. यामुळे आपली रोगप्रतिकारशक्ती वाढवण्यासाठी लोकं व्यायामाला प्राधान्य देतात. आपल्या कामाला लागण्याआधी लोकं लवकर उठून व्यायाम करतात.

नक्की काय होतं नुकसान?

आपली झोप अपूर्ण ठेवणं हानिकारक आहे कारण झोप ही शरीरासाठी खूप गरजेची असते, अशात लवकर उठण्याने दुसऱ्या दिवशी खूप त्रास होऊ शकतो. पित्त खवळण, अॅसिडिटी, डोके दुखी, चिडचिड, आळस येणं अशा गोष्टींचा त्रास होतो. शिवाय शरीराला आपले कार्य चालवण्यासाठी नैसर्गिक दृष्ट्या तितकी ऊर्जा मिळत नाही.

यावरती नक्की उपाय कोणते?

- जर लवकर उठायचे असेल तर रात्री लवकर झोपा

- आपली झोप किमान 6 तासांची होईल असे दिवसाचे नियोजन करा

- जर कामामुळे रात्री उशीर होत असेल तर सकाळी लवकर उठण्याचा अट्टहास सोडा.

- शक्य असल्यास दुपारी किमान अर्ध्या तासाची झोप घ्या.

- आम्लयुक्त पदार्थ खाणं किंवा पिण टाळा.

- रात्री उशिरापर्यन्त जागण्यापेक्षा सकाळी लवकर उठून काम करा.