महाराष्ट्र बातम्या
Manoj Jarange: मनोजदादा, तुम्ही महाराष्ट्राचे मालक झालात का? जरांगेंविरोधात आंदोलन सुरु
Maratha Reservation: ''आमदार राजेंद्र राऊत यांची एक चूक सांगावी. तुमच्या सभेला त्यांनी सहकार्य केले. तुमचं उपोषण सोडायला आलेल्या राजेंद्र राऊतांच्या भेटीचं तुम्ही असं राजकारण कराल, असं आम्हाला वाटलं नव्हतं. पण, त्यांच्याविरोधात यापुढे बोलाल तर याद राखा. त्यांच्याविरोधात बोलण्याचा तुम्हाला काही अधिकार नाही.''
बार्शी : एकीकडे मनोज जरांगे पाटील आणि बार्शीचे आमदार राजेंद्र राऊत यांच्यात आरोप-प्रत्यारोपांच्या फैरी सुरू आहेत, तर दुसरीकडे बार्शीतील मराठा समाजाचे काही प्रतिनिधी मनोज जरांगे पाटील यांच्याविरोधात आक्रमक झाले आहेत. जरांगे पाटील यांना विचारण्यात आलेल्या अकरा प्रश्नांची उत्तरे न दिल्याने बार्शी येथे त्यांच्याविरोधात अण्णा शिंदे यांच्या नेतृत्वाखाली ठिय्या आंदोलनाला सुरुवात झाली आहे.