सबस्क्राईब करा
मुंबई- मराठा आंदोलक आणि मंत्री शंभूराज देसाई यांच्यात रात्री दीड तासानंतर बैठक संपली. मराठा आंदोलकांपैकी पाच जणांचे शिष्टमंडळ मंत्री शंभूराज देसाई यांच्यासोबत आज सकाळी 12 वाजता मुख्यमंत्र्यांची भेट घेणार आहे. मराठा आंदोलकांचा शंभूराज देसाई यांच्यासोबतच्या बैठकीनंतर हा निर्णय घेतला आहे.
मनोज जरांगे यांचं सुरू असलेलं आंदोलन लवकरात लवकर कसं थांबवता येईल याविषयी शंभूराज देसाई आणि शिष्टमंडळ उद्या मुख्यमंत्र्यांशी चर्चा करणार असल्याची माहिती आहे. मराठा समाजाच्या आरक्षणाविषयी सरकारने आतापर्यंत कोणती कोणती पावले उचलली त्याविषयी शंभूराज देसाई यांनी आंदोलकांना माहिती दिली आहे.
शंभूराजे देसाई, चंद्रकांत पाटील आणि निवृत्त न्यायमूर्ती यांची समितीची बैठक सोमवारी होणार होती. ती बैठक रविवारी कशी घेता येईल यासाठी प्रयत्न करणार, अशी माहिती शंभूराज देसाई यांनी आंदोलकांना दिली. निवृत्त न्यायमूर्तींची वेळ घेऊन ही बैठक लवकरात लवकर घेतली जाईल, असं त्यांनी स्पष्ट केलं.
शंभुराज देसाई यावेळी म्हणाले की, पुण्यातून काही मराठा आंदोलक मुंबईत आले आहेत. जरांगे पाटील यांचे उपोषण सोडवावे अशी त्यांची मागणी आहे, मुख्यमंत्री यांच्यासोबत त्यांना चर्चा करायची होती, मात्र मुख्यमंत्री मुंबईत नाहीत. आज मी स्वतः सर्व आंदोलकांशी चर्चा केली. मी सगळी माहिती आंदोलकांना दिली
उद्या पुण्याहून आलेल्या पाच आंदोलकांची मुख्यमंत्री यांच्यासोबत बैठक करणार आहे. माजी न्यायमूर्तींसोबत सोमवारी सरकारची बैठक आहे. मात्र आंदोलकांची इच्छा आहे की उद्याच बैठक घ्यावी. उद्या सकाळी न्यायमूर्ती यांच्यासोबत चर्चा करून उद्या बैठक घेता येईल का याबाबत चर्चा करणार आहे, असं ते म्हणालेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
