लाडकी बहीण योजनेची नोंदणी सुरु झाल्यापासून अवघ्या २५ दिवसांत १ कोटी ८० लाखांहून अधिक अर्ज सादर झाले आहेत. यातील १ कोटी ३० लाख अर्ज ऑनलाईन पद्धतीने प्राप्त झाले असून, ५० लाख अर्ज ऑफलाइन पद्धतीने प्राप्त झाले आहेत. राज्यातील २ कोटी ते २.५ कोटी महिला या योजनेसाठी पात्र ठरतील असा अंदाज आहे.
महिलांच्या खात्यात थेट ३ हजार पाठवण्यापूर्वी सरकार १ रुपया पाठवणार आहे. त्यामुळे महिलांमध्ये चांगलीच चर्चा रंगली. सरकार १५०० रुपये महिना देणार होते तर खात्यात १ रुपया कसा आला, असा प्रश्न महिलांनी विचारला यावर आता महिला व बालकल्याण मंत्री आदिती तटकरे यांनी स्पष्टीकरण दिलं आहे.
पात्र अर्जदारांच्या खात्यात पैसे जमा होईपर्यंत संपूर्ण प्रक्रियेची तांत्रिक पडताळणी करण्यासाठी प्रायोगिक तत्वावर काही निवडक अर्जदार महिलांच्या बँक खात्यात १ रुपया जमा करणार असल्याचे महिला व बालकल्याण मंत्री आदिती तटकरे यांनी सांगितले. हा १ रुपया सन्मान निधी नसून तांत्रिक पडताळणीचा भाग आहे, असे त्यांनी स्पष्ट केले.
लाडकी बहीण योजनेचे पैसे महिलांच्या खात्यात जमा होण्याची प्रक्रिया सुरु आहे. सर्व पात्र महिलांना रक्षाबंधनाच्या दिवशी हे पैसे मिळणार आहेत. अर्ज केलेल्या महिलांची केवायसी प्रक्रिया पूर्ण झाल्यानंतर त्यांच्याबँक खात्यात येत्या १७ ऑगस्ट २०२४ रोजी जुलै आणि ऑगस्ट महिन्याचे मिळून ३,००० रुपये जमा होणार आहेत.
राज्यातील माता भगिनींनी कोणत्याही प्रकारच्या अपप्रचाराला व गैरसमजाला बळी पडू नये, असे आवाहन आदिती तटकरे यांनी केले आहे. अर्ज सबमिट केल्यानंतर "In Pending To Submitted" असा पर्याय दिसत असल्यास घाबरू नये, हे म्हणजे अर्ज सबमिट झाला आहे आणि आता वरिष्ट पातळीवर अधिकारी अर्जाची पडताळणी करतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
