Criticism of Ladki Bahin Yojana by Opposition: राज्य सरकारने सुरू केलेल्या लाडक्या बहीण योजनेची गेल्या अनेक दिवसांपासून जोरदार चर्चा आहे. आगामी विधानसभा निवडणुकीच्या पार्श्वभूमीवर या योजनेचा राज्य सरकारकडून जोरदार प्रचार आणि प्रसार केला जात आहे. लाभार्थी महिलांच्या खात्यात या योजनेचे हप्ते देखील येणे सुरू झाले आहे. यादरम्यान विरोधकांकडून मात्र या योजननेवर कडाडून टीका केली जात आहे. शिवसेनेच्या उद्धव ठाकरे गटाकडून सामनाच्या अग्रलेखातून सरकारवर जोरदार हल्लाबोल करण्यात आला आहे.