![Vandana Mhaske_Ladki Bhin Yojna](http://media.assettype.com/esakal%2F2024-07%2Fdf7e1736-30d7-4ffe-9341-a215313484ab%2FLadki%20Bahin%20Yojna.jpg?w=480&auto=format%2Ccompress&fit=max)
संभाजीनगर : शासनानं महिलांसाठी सुरु केलेल्या लाडकी बहीण योजनेचा लाभ मिळवून देण्यासाठी गरीब महिलांकडून पैसे उकळणाऱ्या एका महिल एजंटवर पहिला गुन्हा दाखल झाला आहे. अशा प्रकारे पैसे घेणाऱ्यांवर कारवाई केली जाईल असे, निर्देश नुकतेच मुख्यमंत्री एकनाथ शिंदे यांनी दिले होते. छत्रपती संभाजीनगर इथं हा प्रकार घडला आहे.
साम टीव्हीच्या माहितीनुसार, लाडकी बहीण योजनेच्या मंजुरीसाठी दलाली करणाऱ्या एका महिलेवर छत्रपती संभाजीनगर जिल्ह्यातील करमाड पोलिस ठाण्यात गुन्हा दाखल झाला आहे. अधिकाऱ्यांच्या नावे पैसे घेणाऱ्यावर कारवाई केली जाईल, असं मुख्यमंत्र्यांनी यापूर्वीच सांगितलं होतं. त्यानुसार लाडकी बहीण योजनेसाठी बहिणींची आर्थिक लूट केल्यावरून हा राज्यातील पहिला गुन्हा दाखल झाला आहे.
लाडकी बहीण योजनेसह शासनाच्या विविध योजनांचा लाभ मंजूर करून देण्यासाठी निराधार, गरीब महिलांकडून पैसे उकळणाऱ्या संभाजीनगर जिल्ह्यातील वंदना म्हस्के या महिलेवर गुन्हा दाखल करण्यात आला आहे. वंदना मस्के ही प्रहार जनशक्ती पक्षाची जिल्हाध्यक्ष असल्याचं लेटर हेड वापरते. या पदावरून तिनं यापूर्वीच उपोषणाचा इशारा दिला होता. शिवाय याच लेटरहेडचा वापर करून ती शासनाच्या विविध कार्यालयातून माहिती मागवत असते.
वंदना म्हस्के ही गरीब महिलांना लुटत असल्याची तक्रार काही महिलांनी तहसीलदारसमोर केली होती, त्यानंतर या महिलांचे जबाब नोंदवून घेत तहसिलदारांनी पोलिसांना गुन्हा दाखल करण्याचे आदेश दिले. अनुदान मंजूर करण्यासाठी, लाडकी बहीण योजनेचा लाभ मिळून देण्यासाठी वंदना मस्के ही गोरगरीब महिलाकडून पैसे उकळत होती. पैसे देऊन देखील अनुदान खात्यावर जमा होईना म्हणून महिलांनी म्हस्के यांच्याकडं विचारणा केली असता ही महिला धमक्या देत असल्यानं महिलांनी तहसीलदारांकडं धाव घेतली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.