मुंबई : काल सरकारनं विरोधीपक्षाला बैठकीला बोलावलं होतं, बैठक होती मराठा आरक्षणाची. यांना काय रोग आला होता, त्यांना न जायला काय झालं होतं? ओबीसीतून मराठ्यांना आरक्षण देण्यासाठी ही बैठक होती. तर त्या बैठकीत हे विरोधक कोण आहेत ते महाविकास आघाडीवाले, त्यांनी तिथं जाऊन म्हणायचं ना, द्या ओबीसीतून मराठ्यांना आरक्षण म्हणून. तुम्ही लपून का बसले? मराठ्यांचं मतदान घ्यायला गोड लागतं का? (Manoj Jarang beed rally targeted MVA who boycott all party meeting regarding Maratha Reservation)
तिथं बैठकीत जाऊन सांगायचं ते देत नाहीत. पण जरी नाही गेले या महाविकास आघाडीतले पक्ष आले नाही तर नाही कोणी आलं तरी तुम्ही सरकार आहात. तुमची राजकीय इच्छाशक्ती आहे ना? मग तुम्ही देऊन टाकायचं ना? किती दिवस तुम्ही म्हणणार की हा आला नाही तो आला नाही. मग ते आले नाहीत तर आता मराठ्यांना आरक्षण द्यायचं नाही का?
विरोधक नाही आले म्हणून तुम्हाला कारणं सापडली, ते नाही आले त्यांना हिंडू द्या ओढ्याकडून कुठेही. पण तुम्ही द्या ना, पण तुम्हालाही द्यायचं नाही. मला तर डाऊट यायला लागला की दोन्हीही सारखेच आहेत. महाविकास आघाडीवाले आणि महायुतीवाले कारण एक म्हणतं मी मारल्यासारखं करतो तुम्ही रडल्यासारखं करा.
तुम्ही यायचं नाही आम्ही म्हणायचं ते आले नाहीत आणि ते आले तर यांनी यायचं नाही. आपल्या नेत्यांना एकदा फोन लावा आणि सांगा रे ओबीसीतून आरक्षण मागा नाहीतर आमच्या गावात आणि दारातच यायचं नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
