मुख्यमंत्री माझी लाडकी बहीण योजनेसाठी सोलापूर जिल्ह्यातील साडेदहा लाख महिलांनी अर्ज केले आहेत. त्यातील अंदाजे तीन ते साडेतीन लाख महिलांना अद्याप काहीच लाभ मिळालेला नाही तर उर्वरित महिलांना आता सप्टेंबरचा लाभ मिळणे अपेक्षित आहे. दोन्ही प्रकारातील लाभार्थी महिलांना २९ सप्टेंबरला लाभ मिळेल, अशी माहिती प्रशासनाने दिली आहे.
सोलापूर जिल्ह्यातील लाडक्या बहिणींसह राज्य सरकारच्या विविध योजनांचे सुमारे ४० हजार लाभार्थींना आणून शहरातील होम मैदानावर मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार यांच्या उपस्थितीत वचनपूर्ती सोहळाहोणार आहे.
आतापर्यंत चारवेळा याकार्यक्रमाचे नियोजन झाले, दोनदा कार्यक्रमाची तारीखही निश्चित झाली, मात्र अद्याप तो सोहळा झालेला नाही.
प्रशासनाकडेही हा कार्यक्रम होणार यासंदर्भात ठोस माहिती नसल्याची स्थिती आहे. त्यामुळे आता कार्यक्रम राहू द्या दरमहा एका फिक्स तारखेला मुख्यमंत्री माझी लाडकी बहीण योजनेची रक्कम बँक खात्यात जमा करावी, अशी मागणी सर्व लाभार्थीं करीत आहेत.
योजनेअंतर्गत अर्ज करण्याची मुदत आता ३० सप्टेंबरपर्यंत आहे. त्यामुळे ज्यांनी आतापर्यंत योजनेसाठी अर्ज केलेला नाही, अशा पात्र महिलांनी मुदतीत अर्ज करावेत, असे आवाहन प्रशासनाकडून करण्यात आले आहे.
सोलापूर जिल्ह्यातील एक लाख ३६ हजार महिलांच्या बँक खात्याला आधारलिंक नाही. त्यांनी आता बँक खात्याशी आधारलिंक केल्याशिवाय मुख्यमंत्री माझी लाडकी बहीण योजनेचा लाभ मिळणार नाही.
२९ सप्टेंबरपूर्वी संबंधित बँकेत जाऊन त्या अर्जदार महिलांना खात्याला आधारलिंक करून घ्यावे लागणार आहे. त्यांची यादी राज्यस्तरावरून जिल्हा प्रशासनाकडे प्राप्त झाली आहे. ज्यांनी योजनेच्या सुरवातीला आज केला पण अद्याप लाभ मिळाला नाही, अशा त्या महिला आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
