Athiya-Rahul: आथिया शेट्टी- के एल राहुल बनले आमिर खानचे शेजारी; खरेदी केला कोट्यवधींचा फ्लॅट, पॉश एरियामधील घराची किंमत किती

अभिनेते सुनील शेट्टी यांची मुलगी आणि अभिनेत्री अथिया शेट्टी हिने पती आणि क्रिकेटर के एल राहुल याच्यासोबत मिळून मुंबईतील पॉश एरियामध्ये महागडा फ्लॅट खरेदी केला आहे. त्यांनी मुंबईतील बांद्रा येथील पाली हिल्स येथे एक शानदान अपार्टमेंट घेतलं आहे. हा मुंबईतील सगळ्यात पॉश एरियापैकी एक आहे. या भागात अनेक बॉलिवूड कलाकारांची घरं आहेत. आमिर खान याचंही घर याच भागात आहेत. आता अथिया आणि राहुल त्याचे शेजारी झाले आहेत. हे घर ३ हजार ३५० स्वेअर फूटचं आहे. संधू पॅलेस येथे दुसऱ्या मजल्यावर हा फ्लॅट आहे. या बिल्डिंगमध्ये एकूण १८ फ्लोअर आहेत. या घराची किंमत किती आहे?

IndexTap.com द्वारे प्रवेश केलेल्या मालमत्तेच्या नोंदणीच्या कागदपत्रांनुसार, इमारतीला बीएमसीकडून आंशिक व्यवसाय प्रमाणपत्र प्राप्त झाले आहे. अथिया शेट्टी आणि केएल राहुल यांनी या अपार्टमेंटसाठी 1.20 कोटी रुपये मुद्रांक शुल्क आणि 30,000 रुपये नोंदणी शुल्क भरलं आहे. या इमारतीत चार पार्किंग आहेत. 15 जुलै रोजी मालमत्तेची नोंदणी झाल्याचं सांगण्यात येत आहे. या अपार्टमेंटची किंमत 20 कोटी रुपये असल्याचे सांगण्यात येत आहे.

पाली हिल परिसर हा मुंबईचा अतिशय पॉश एरिया आहे आणि अनेक बॉलिवूड स्टार्स येथे राहतात. दिलीप कुमार आणि आमिर खान सारख्या सेलिब्रिटींच्या बंगल्याचा पुनर्विकास होत आहे. याशिवाय सलमान खान, शाहरुख खान, सैफ अली खान, जान्हवी कपूर आणि तृप्ती डिमरी हे देखील पाली हिल परिसरात राहतात.

अथिया आणि केएल राहुल यांच्या नेट वर्थ

अथिया आणि केएल राहुल यांच्या नेट वर्थ आणि महागड्या गोष्टींबद्दल बोलायचं तर, दोघांची संपत्ती 130 कोटी रुपये आहे. त्यांचं मुंबईत आलिशान घर आहे. याशिवाय, त्याच्याकडे बेंगळुरूमध्ये कोट्यवधी रुपयांचं घर आणि अनेक आलिशान कार आहेत, ज्यात लॅम्बोर्गिनी हुरॅकन स्पायडर आणि ॲस्टन मार्टिन डीबी 11 यांचा समावेश आहे. त्यांची किंमत करोडोंमध्ये आहे. केएल राहुलप्रमाणेच अथियाकडेही अनेक लक्झरी कार आहेत, ज्यात मर्सिडीज बेंझ एस क्लासचा समावेश आहे. त्याची किंमत 1.77 ते 1.86 कोटी रुपये आहे.