दारूच्या नशेत रेसिंग करणं अभिजीत सावंतला पडलेलं भारी; जमावाने केलेली मारहाण; नंतर पोलिसांनी...

'बिग बॉस मराठी ५' मधून पुन्हा एकदा चर्चेत आलेला लोकप्रिय मराठी गायक अभिजीत सावंत याने त्याच्या गेमप्लॅनने सगळ्यांना आपला फॅन बनवलं आहे. त्याने २००५ मध्ये 'इंडियन आयडल' हा शो जिंकला आणि तो तरुणाईच्या गळ्यातील ताईत बनला. कित्येक मुली त्याच्यावर फिदा होत्या. त्याचं करिअर सेट आहे असं वाटत असतानाच एक घटना घडली आणि त्याचं आयुष्य बदललं. ही घटना त्याच्या करिअरवर वाईट प्रभाव टाकून गेली. या घटनेनंतर त्याला उतरती कळा लागली असं म्हटलं तरी वावगं ठरणार नाही असं नेमकं काय घडलेलं?

अभिजीतच्या गाडीचा तो अपघात

अभिजीत आणि त्याचे इंडियन आयडलच्या मित्र आणि मैत्रिणीसोबत एका रेस्ट्रॉरंटमध्ये गेला होता. इथून बाहेर पडताना त्यांनी दारूच सेवन केलं होतं. दारू प्यायली असताना तो आणि त्याची मैत्रीण गायिका प्राजक्ता शुक्रे एका गाडीतून प्रवास करत होते. गाडी प्राजक्ता चालवत होती. मीडिया रिपोर्टनुसार, तेव्हा प्राजक्ता गाडी चालवत होती आणि ते इतर मित्रांसोबत रेसिंग करत होते. त्यादरम्यान सांताक्रूझ येथे एका रस्त्यावर त्यांनी एका बाइकला जोरदार धडक दिली. त्यात दोन जण जखमी झाले. त्यांना नानावटी रुग्णालयात उपचारासाठी दाखल करण्यात आलं.

मैत्रीचा बचाव करायला गेला अन्

इथे उपस्थित सगळ्यांनी त्यांच्या गाडीला घेरलं. त्यावेळी लोकांनी प्राजक्तासोबत भांडण करायची सुरुवात केली होती. मात्र अभिजीत तिला वाचवायला गेला आणि संतप्त जमावाने त्याला मारहाण केली. ऐन वेळेस पोलीस आले आणि त्यांनी अभिजीतला पोलीस स्टेशनला नेलं तर प्राजक्ताला वैद्यकीय चाचणीसाठी हॉस्पिटलला पाठवलं.

त्या घटनेने संपवलं करिअर

त्यानंतर दिलेल्या जबाबात अभिजीतने आपण दारू प्यायलो नसल्याचं सांगितलं होतं. सोबतच आपण रेसिंगही केलं नव्हतं असं सांगितलं. तर बिग बॉस मराठीच्या घरात जाण्यापूर्वी दिलेल्या लोकमत फिल्मीच्या मुलाखतीत मी तिथे नव्हतोच असं वक्तव्य त्याने केलं आहे. मात्र त्याचे घटनास्थळाचे अनेक व्हिडिओ आणि फोटो आजही सोशल मीडियावर उपलब्ध आहेत. अभिजीतच्या करिअरमध्ये ही घटना एक मोठा डाग होती. त्यानंतर अभिजीतने शिवसेनेमध्ये प्रवेश केला होता. मात्र काही वर्षातच त्याने तिथून बाहेर पडण्याचा निर्णय घेतला. आता अभिजीत बिग बॉसच्या घरात सगळ्यांचं मनोरंजन करताना दिसतोय.