गेल्या काही महिन्यात अनेक मराठी मालिकांनी प्रेक्षकांचा निरोप घेतला. तर नवनवीन मालिका प्रेक्षकांच्या भेटीला आल्या. त्यातल्या काही अगदीच नव्या होत्या तर काही वर्षानुवर्षे प्रेक्षकांचं मनोरंजन करत होत्या. आता स्टार प्रवाह वाहिनीवरदेखील नव्या मालिकांचा धडाका सुरू होणार आहे. महिन्याभरापूर्वीच स्टार प्रवाहवर 'उदे गं अंबे' ही मालिका सूरू झाली होती. त्यानंतर 'आई बाबा रिटायर होत आहेत' या मालिकेची घोषणा करण्यात आली. त्यासाठी 'आई कुठे काय करते' ही मालिका आता निरोप घेणार आहे. मात्र आता आणखी एक मालिका निरोप घेणार असल्याचं समोर आलं आहे. तर नव्या मालिकेतील कलाकारांची नावंही समोर आली आहेत.
गेल्या काही वर्षांपासून प्रेक्षकांचं मनोरंजन करणारी मालिका 'लग्नाची बेडी' आता प्रेक्षकांचा निरोप घेणार आहे. सिंधू आणि राघव आता प्रेक्षकांचा निरोप घेणार आहेत. ही मालिकाही प्रेक्षकांची आवडती होती. त्याजागी स्टार प्रवाहवर नवी मालिका येणार आहे. नुकताच वाहिनीने नव्या मालिकेतील कलाकारांची झलक दाखवणारा एक व्हिडिओ शेअर केला. या व्हिडिओमध्ये कलाकारांचे चेहरे दिसत नसले तरी प्रेक्षकांनी त्यांना ओळखलं आहे. या नव्या मॉलीकेत लोकप्रिय अभिनेत्री मृणाल कुलकर्णी, ज्ञानदा रामतीर्थकर, विवेक सांगळे आणि विजय आंदळकर असणार आहेत. कलाकारांसोबतच नेटकऱ्यांनी मालिकेचं नावही संगितलं आहे. या मालिकेचं नाव आहे 'लग्नानंतर होईलच प्रेम'.
नेटकऱ्यांनी ही मालिका लवकरात लवकर सुरू करण्याची मागणी केली आहे. या कलाकारांना विशेषतः मृणालला पुन्हा मोठ्या पडद्यावर पाहण्यासाठी प्रेक्षक उत्सुक आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
