वडिलांच्या मृत्यूनंतर व्हायरल होतोय अमृता अरोराचा 'तो' व्हिडिओ; नेटकरी म्हणाले, 'तिला वाटलंही नसेल की...'

लोकप्रिय बॉलिवूड अभिनेता मलायका अरोरा आणि अभिनेत्री अमृता अरोरा यांच्यासाठी ११ सप्टेंबर हा दिवस खूप धक्कादायक होता. त्यांचे वडील अनिल मेहता यांनी सकाळी ९ वाजता राहत्या घराच्या बाल्कनीतून उडी मारून आत्महत्या केली. ही बातमी सगळ्यांसाठीच धक्कादायक होती. त्यांनी असं का केलं असा एकच प्रश्न सगळ्यांना पडला होता. मात्र मृत्यूपूर्वी त्यांनी आपल्या दोन्ही मुलींना फोन करून आजारपणाला कंटाळून जीव देत असल्याचं सांगितलं होतं. वडिलांच्या मृत्यूने अभिनेत्रींवर जणू आभाळ कोसळलं. त्या दोघीही ताबडतोब घरी आल्या. मात्र आता अमृताचा एक व्हिडिओ व्हायरल होतोय जो पाहून नेटकऱ्यांना आयुष्य किती क्षणभंगुर आहे याचा अंदाज आलाय.

अमृता अरोराचा हा व्हिडिओ पाहून सगळ्यांनाच तिची दया येतेय त्याचं कारण म्हणजे तिचा हा व्हिडिओ वडिलांच्या निधनापूर्वीचा आहे. अनिल यांच्या निधनापूर्वी मलायका मुंबईत नव्हती. ती कामानिमित्त पुण्यात होती. मात्र अमृता ही मुंबईतच होती. इतकंच नव्हे तर ती आदल्या रात्री आपल्या आईवडिलांना भेटायला आली होती. तिचा त्यांच्या घराखाली उभी असतानाचा हा व्हिडिओ आहे. ज्यात ती आई वडिलांना भेटून पुन्हा घरी जाताना दिसतेय. तर खालून ती बाल्कनीत उभ्या असलेल्या आपल्या आईला हात हलवून बाय करताना दिसतेय. या व्हिडिओमध्ये तिने निळ्या रंगाचा शर्ट घातला आहे आणि महत्वाचं म्हणजे वडिलांच्या मृत्यूची बातमी कळताच ती त्याच निळ्या रंगाच्या शर्टमध्ये रडत घरी परत येताना दिसतेय.

तिचा हा व्हिडिओ पाहून नेटकरी आपल्या प्रतिक्रिया देत आहेत. एका नेटकऱ्याने लिहिलं, 'तिला वाटलंही नसेल की आज आपण ज्या वडिलांना जिवंत पाहत आहोत त्यांना उद्या मृत पाहावं लागणार आहे. तिने जाताना असा विचारही केला नसेल. किती आनंदात आईला बाय करून जातेय. आयुष्य खूप अनप्रेडिक्टेबल आहे. उद्याचा काही भरवसा नाही.' आणखी एकाने लिहिलं, 'तिला काय ठाऊक हा तिचा वडिलांना शेवटचा बाय असेल ती वडिलांना शेवटची पाहतेय. आयुष्यात पुढे काय होईल आपण काही सांगू शकत नाही.' आणखी एकाने लिहिलं, ' जवळचा व्यक्ती कोणत्या त्रासातून जातोय हे तुम्ही नाही सांगू शकत.'अमृताचा हा व्हिडिओ पाहून नेटकरी भावुक झाले आहेत.