Samantha: नागा चैतन्यच्या साखरपुड्यानंतर चाहत्याने सामंथाला घातली लग्नाची मागणी; अभिनेत्रीने काय दिलं उत्तर?

लोकप्रिय दाक्षिणात्य अभिनेता नागा चैतन्य आणि अभिनेत्री शोभिता धूलिपाला यांनी ८ ऑगस्ट रोजी साखरपुडा केला. त्यांच्या रिलेशनशिपच्या सोशल मीडियावर चर्चा होत्या. मात्र त्यांनी आता त्यांचं नातं अधिकृत केलं. मात्र त्यानंतर चाहते नागा चैतन्यची पूर्वाश्रमीची पत्नी आणि अभिनेत्री सामंथा हिच्या प्रतिक्रियेची वाट पाहत होते. तिने अजून यावर कोणतीही प्रतिक्रिया दिलेली नाही. मात्र अशातच आता एका चाहत्याने सामंथाला थेट लग्नाची मागणी घातली आहे. त्याने एक व्हिडिओ शेअर करत तिला मागणी घातली. यावर अभिनेत्रीने दिलेलं उत्तरही आता चर्चेत आहे.

गेल्या काही वर्षात सामंथाने तिच्या वैयक्तिक आयुष्यात अनेक वाईट गोष्टींचा सामना केला आहे. घटस्फोट त्यानंतर आलेलं नैराश्य आणि आजारपण यासगळ्यावर मत करून ती पुन्हा खंबीरपणे उभी राहिली. यात चाहते कायमच तिच्या पाठीशी होते. आता एका सोशल मीडिया इन्फ्लुएन्सरने एक व्हिडिओ शेअर करत तिला प्रपोज केलं आहे. व्हिडिओमध्ये तो सामंथाला प्रपोज करतोय आणि लग्न करण्याची विनंती करतोय. तो घरातुन आपली बॅग पॅक करून निघतोय जेणेकरून तो अभिनेत्रीला प्रपोज करू शकेल. या व्हिडिओमध्ये तो म्हणतो, 'मी माझी बॅग घेऊन सामंथाच्या घरी जायला निघतोय. तिला हे सांगायला की तू काळजी करू नकोस कारण मी नेहमी तुझ्या सोबत असेन. '

पुढे तो म्हणतो, 'मी लग्नासाठी तयार आहे मला फक्त २ वर्ष दे जेणेकरून मी कमावता होईन. त्यानंतर तो अभिनेत्रीला गुडघ्यावर बसून प्रपोज करताना दिसत आहे.' यावर सामंथाने देखील त्याला रिप्लाय दिला आहे. सामंथाने त्याला प्रतिक्रिया देत लिहिलं, 'तुझ्या पाठीमागची जिम पाहून मी तुला जवळपास होकारच देतेय.' तिचा रिप्लाय पाहून त्याच्या आनंदाला पारावार उरलेला नाहीये. तर अनेक नेटकऱ्यांनीही सामंथाच्या या शांत आणि प्रेमळ उत्तराचं कौतुक केलं आहे.