Bollywood News: रोहित शेट्टी दिग्दर्शित 'सिंघम अगेन' नुकताच प्रदर्शित झाला आहे. या चित्रपटाचा सामना हा कार्तिक आर्यनच्या 'भूल भुलैया ३' सोबत झाला आहे. दोन्ही चित्रपट बॉक्स ऑफिसवर धमाल करण्यासाठी तयार आहेत. हे दोन्ही चित्रपट तगडी कमाई करणार असल्याचा अंदाज आहे. आता 'सिंघम अगेन' हा चित्रपट पाहिल्यावर प्रेक्षकांच्या प्रतिक्रिया नेमक्या काय आहेत हे नेटकऱ्यांनी ट्विटरवर सांगितलं आहे.
'सिंघम अगेन' हा या फ्रेंचाइजीचा तिसरा भाग आहे. यावेळी चित्रपटात अजय देवगनसोबत सगळ्यांचा लाडका 'चुलबुल पांडे' म्हणजेच सलमान खान याचा एक कॅमिओ आहे, तर अक्षय कुमार, रणवीर सिंग, दीपिका पदुकोण, टायगर श्रॉफ, करीना कपूर आणि जॅकी श्रॉफ देखील चित्रपटात आहेत.
चित्रपट पाहिल्यानंतर प्रेक्षकांनी त्याला 'ब्लॉकबस्टर' आणि 'माइंडब्लोइंग' म्हटले आहे. हा चित्रपट प्रेक्षकांना पसंत पडला आहे. प्रेक्षकांना सगळ्यांसोबत चुलबुल पांडेची एंट्री सगळ्यात जास्त आवडली आहेत. दमदार ऍक्शन आणि भलेमोठे शॉट यामुळे हा चित्रपट भव्य झाला आहे.
सलमान आता 'सिंघम 4' मध्येही दिसणार असून, रोहित शेट्टीने त्याची झलक दाखवली आहे. चित्रपटाच्या शेवटी, पुढच्या भागात चुलबुल पांडे आणि बाजीराव सिंघम एका मोठ्या मिशनवर जाणार असल्याचं दाखवण्यात आलं आहे. स्क्रीनवर लिहून येतं – मिशन चुलबुल सिंगम लोडिंग सून.
'सिंघम अगेन'चे बजेट 400 कोटी रुपये असल्याचे सांगण्यात येत असून आता निर्माते लवकरच या चित्रपटाच्या पुढील भागाची तयारी सुरू करणार असल्याची माहिती आहे. यामध्ये सलमान आणि अजय असणार आहेत. एकूणच 'सिंघम अगेन' या वर्षीचा ब्लॉकबस्टर ठरणार असल्याचा अंदाज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
