बार्बाडोसच्या मैदानावर तब्बल १७ वर्षांनी भारतीय संघाने इतिहास रचला. १७ वर्षानंतर भारत टी २० वर्ल्डकपचा विजेता ठरला. भारताने २००७ मध्ये महेंद्रसिंह धोनीच्या नेतृत्वाखाली टी २० वर्ल्डकपची ट्रॉफी जिंकली होती. आता पुन्हा एकदा वर्ल्डकप जिंकून भारतीय टीमने संपूर्ण देशाला एक मोठी भेट दिली. वर्ल्डकप जिंकल्यानंतर संपूर्ण देशभरात एकच कल्ला करण्यात आला. चाहत्यांचा आनंद तर गगनात मावत नव्हता. मात्र संपूर्ण देश जी मॅच डोळ्यात तेल घालून पाहत होता ती मॅच बॉलिवूडचे शेहनशाह अमिताभ बच्चन यांनी पहिलीच नाही. त्यांनी एक पोस्ट करत त्याचं कारण सांगितलं आहे.
२०२४ चा हा विजय सगळ्यांसाठीच खूप खास होता. या विजयानंतर रोहित शर्मा आणि विराट कोहली यांनी टी २०मधून आपल्या निवृत्तीची घोषणा केली. मात्र शेवटच्या काही ओव्हरमध्ये हा सामना भारताच्या हातून निसटून जाणार की काय असं चित्र होतं. सगळ्यांचे श्वास अडकले होते. मात्र देशभर सगळेच टीव्हीकडे डोळे लावून बसलेले असताना अमिताभ बच्चन मात्र सामना पाहत नव्हते. त्यांनी पोस्ट करत यामागचं कारण सांगितलं. त्यांनी ट्वीट करत लिहिलं, 'डोळ्यातून वाहणारे अश्रू... त्या अश्रूंसोबत जे आता टीम इंडियाच्या डोळ्यातून वाहत आहेत. वर्ल्ड चॅम्पियन इंडिया.'
त्यांनी पुढे लिहिलं, 'किती उत्सुकता, शंका... सगळं झालं आणि संपलं. मी टीव्ही पाहिला नाही. माझ्याने पाहावला गेला नाही... जेव्हा मी पाहतो तेव्हा आपण हरतो! डोक्यात दुसरं काही येत नाहीये. फक्त टीमच्या अश्रूंसोबत माझ्या डोळ्यातही अश्रू आहेत.' अमिताभ यांच्या या ट्वीटवर काही नेटकऱ्यांनी त्यांची बाजू घेतली आहे. अनेकदा आपल्याला असं वाटतं, असं म्हणत त्यांनी बिग बींना पाठिंबा दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
