ऐश्वर्या- अभिषेकच्या घटस्फोटाच्या चर्चांमध्ये व्हायरल होतंय अमिताभ यांनी निम्रत कौरसाठी लिहिलेलं पत्र; त्यात आहे तरी काय

अभिषेक बच्चन आणि ऐश्वर्या राय यांच्या घटस्फोटाच्या अफवा अनेक महिन्यांपासून सुरू होत्या. घटस्फोटाच्या या अफवांदरम्यान, अभिषेकचं सह-अभिनेत्री निम्रत कौरसोबत अफेअर असल्याचा दावा अनेक वेबसाइट्सवर करण्यात आला आहे. मात्र, यावर बच्चन कुटुंबाकडून कोणतीही प्रतिक्रिया आलेली नाही किंवा निम्रत किंवा ऐश्वर्यानेही यावर प्रतिक्रिया दिलेली नाही. या अफवांच्या दरम्यान, आता सोशल मीडियावर अमिताभ बच्चन यांनी निम्रत कौरला हाताने लिहिलेल्या पत्राचा फोटो व्हायरल होतोय.

निम्रत आणि अभिषेक बच्चन दोघेही 'दसवी' या चित्रपटात एकत्र दिसले होते. त्यामुळे अमिताभ यांनी 2022 मध्ये निम्रतला तिच्या 'दसवी' चित्रपटातील अभिनयाबद्दल कौतुक करणारं पत्र पाठवलं होतं. या पत्रात त्यांनी लिहिलंय, 'आमच्यामध्ये क्वचितच चर्चा किंवा भेट झाली. मी दिलेली शेवटची प्रशंसा YRF कार्यक्रमात कॅडबरीच्या जाहिरातीसाठी होती. पण ‘दसवी’ मधलं तुझं काम विलक्षण आहे, बारकावे, भाव, सारं काही! माझ्याकडून खूप खूप अभिनंदन, कौतुकास्पद. '

निम्रत कौरने अमिताभ यांचं पत्र सोशल मीडियावर शेअर करत उत्तर दिलं होतं आणि एक लांबलचक कॅप्शन लिहिलेलं. तिने लिहिलं, '18 वर्षांपूर्वी, जेव्हा मी पहिल्यांदा मुंबईत पाऊल ठेवले तेव्हा मला वाटलं होतं की एक दिवस अमिताभ बच्चन यांना माझं नाव कळेल, आमची भेट आठवेल, जाहिरातीत माझ्या कामाचे कौतुक होईल पण अनेक वर्षांनी त्यांनी मी चित्रपटात केलेल्या कामासाठी एक चिठ्ठी आणि फुले पाठवली, हे सर्व मला स्वप्नासारखं वाटलं.'

तिने पुढे लिहिलं, 'अमिताभ सर, तुम्हाला प्रेम, अनंत धन्यवाद. आज शब्द आणि भावना दोन्ही कमी पडत आहेत. तुझे हे प्रेमळ पत्र मला आयुष्यभर प्रेरणा देत राहील आणि तुझ्या आशीर्वादाचा अनमोल गुलदस्त्याचा सुगंध माझ्या आयुष्याच्या प्रत्येक पायरीवर दरवळत राहील. तुझ्याकडून मिळालेल्या या स्तुतीमुळे, मला शांतता जाणवते… एखाद्या विशाल पर्वत किंवा प्राचीन मंदिरासमोर. तुझी मनापासून, सदैव कृतज्ञ, निम्रत.' आता ऐश्वर्या आणि अभिषेक यांच्या घटस्फोटाच्या चर्चांमध्ये त्यांचं हे पत्र सध्या सोशल मीडियावर व्हायरल होतंय.