बॉलिवूड अभिनेते अनिल कपूर यांनी आपल्या अभिनयाने प्रेक्षकांना भुरळ घातली. आता त्यांच्या करिअरमध्ये मानाचा तुरा रोवला गेला आहे. अनिल कपूर यांनी TIME100 AI यादीमध्ये प्रथम स्थान निर्माण केलं असून AI च्या जगात प्रभाव निर्माण करणाऱ्या विविध क्षेत्रातील 100 लोकांमध्ये त्यांना सन्मानित गेलं आहे. बॉलीवूड अभिनेत्याने दिल्ली उच्च न्यायालयात AI विरुद्ध खटला दाखल केला होता. तो ऐतिहासिक निकाल जिंकल्यानंतर या मेगास्टारने TIME100 AI यादीत स्थान मिळवलं.
सध्या AI वर अनेक कलाकारांचे आवाज, फोटो सर्रास वापरले जातात. आपला आवाज, फोटो, नाव सुरक्षित राहावं यासाठी अनिल कपूर यांनी त्यांच्या व्यक्तिमत्त्वाच्या अधिकारांचं रक्षण करण्यासाठी खटला दाखल केला होता विशेषत: डिजिटल प्लॅटफॉर्मवरील कोणत्याही प्रकारच्या गैरवापरापासून त्यांचे नाव, प्रतिमा, समानता, आवाज आणि इतर वैयक्तिक गुणधर्मांना संरक्षण मिळावे यासाठी खटला दाखल केला होता. तो खटला त्यांनी जिंकला. त्यानंतर त्यांचं नाव TIME100 AI यादीत आलं आहे. त्यासाठी चाहत्यांनी त्यांच्यावर शुभेच्छांचा वर्षाव केला आहे.
या यादीत हॉलिवूड अभिनेत्री स्कारलेट जोहानसन, गुगलचे सीईओ सुंदर पिचाई आणि इतरही अनेक महत्वपूर्ण व्यक्तींचा समावेश आहे.आता त्यात अनिल कपूर यांच्या नावाचादेखील समावेश आहे. यापूर्वी, एका मुलाखतीत ते म्हणालेले, 'AI तंत्रज्ञानाचा पूर्णपणे फायदा घेतला जाऊ शकतो आणि व्यावसायिकरित्या त्याचा गैरवापर केला जाऊ शकतो". तो म्हणाला की कोर्टाने त्याच्या बाजूने दिलेल्या आदेशामुळे त्यांच्या वैयक्तिक गुणधर्मांचा गैरवापर करणाऱ्यावर ते आता कायदेशीररित्या कारवाई करू शकतात. सध्या, अनिल कपूर त्याच्या पुढच्या थिएटर रिलीझ 'सुभेदार' साठी तयारी करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
