सबस्क्राईब करा
भारतीय संघाने दमदार कामगिरी करत गेल्या १३ वर्षाची प्रतीक्षा संपवली. भारतीय संघाने ७ धावांनी दक्षिण आफ्रिकेचा पराभव करत विश्वचषकावर नाव कोरलं. २०२४ आयसीसी विश्वचषक भारताने आपल्या नावावर केला. या विजयानंतर सगळीकडे एकच आनंदाची लाट आली. क्रिकेटच्या चाहत्यांचा आनंद गगनात मावेनासा झाला. त्यानंतर सर्व स्तरावर एकाच जल्लोष करण्यात आला. त्यानंतर अनेक चाहते आणि कलाकारांनी खेळाडूंचं अभिनंदन करणाऱ्या पोस्ट शेअर केल्या. त्यातच अभिनेत्री अनुष्का शर्मा हिने विराटसाठी केलेली पोस्टही सध्या चर्चेत आहे.
अनुष्काने या पोस्टमध्ये तिच्या मुलीने वामिकाने रडणाऱ्या क्रिकेटर्सना पाहून विचारलेला प्रश्न सांगितला आहे. अनुष्काने लिहिलं, 'आमच्या मुलीने आज सामना संपल्यावर या सगळ्या खेळाडूंना टीव्हीवर रडताना पाहिलं. यावेळी ‘या’ खेळाडूंना धीर देण्यासाठी तिथे कोणी असेल का’ असा प्रश्न तिने विचारला. मी तिला म्हणाले, हो डार्लिंग… कारण, आज जवळपास १.५ बिलियन प्रेक्षकांनी आपल्या खेळाडूंना मिठी मारली आहे. आपल्या टीमने अभूतपूर्व विजय मिळवला आणि सगळ्यांनी या सामन्यांमध्ये उत्तम कामगिरी केली आहे. चॅम्पियन्स – अभिनंदन!'
त्यानंतर तिने दुसरी पोस्ट विराट कोहलीची केली आहे. ही पोस्ट करत तिने लिहिलं, 'माझं या माणसावर खूप प्रेम आहे. विराट कोहली… तू माझा आहेस हे सांगताना मला प्रचंड आनंद होतो. आता हा आनंद साजरा करण्यासाठी माझ्यासाठी स्पार्कलिंग वॉटर घेऊन ये.' अनुष्काची पोस्ट सध्या सोशल मीडियावर व्हायरल होतेय. तर चाहते तिच्या पोस्टवर कमेंटचा वर्षाव करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
