लोकप्रिय बॉलिवूड अभिनेता अर्जुन रामपाल त्याच्या उत्कृष्ट अभिनयासाठी ओळखला जातो. मात्र त्याचं वैयक्तिक आयुष्यदेखील चर्चेचा विषय राहिला आहे. त्याच्या वैयक्तिक आयुष्यावर अनेकदा भाष्य केलं जातं. त्याने आपला २० वर्षाचा संसार मोडला. अर्जुनने १९९८ मध्ये मेहेरशी लग्नगाठ बांधली मात्र २०१९ मध्ये ते वेगळे झाले. तेव्हा त्याला दोन मुलीही होत्या. त्यानंतर तो त्याच्या गर्लफ्रेंडसोबत लिव्हइनमध्ये राहू लागला. ते दोघेही दोन मुलांचे पालक आहेत. मात्र त्यांनी लग्न केलेलं नाही. असं सगळं असताना आता एका मुलाखती त्याने त्याच्या वैयक्तिक आयुष्यावर भाष्य केलं आहे. या घटस्फोटामध्ये आपली चूक होती असं तो म्हणाला आहे.
अर्जुन रामपालने 'द रणवीर शो' मध्ये हजेरी लावली होती. या मुलाखतीत बोलताना अर्जुन म्हणाला, 'नाते तुटण्यासाठी तुम्ही कोणाला दोष देऊ शकत नाही. ज्या चुका झाल्या त्याचा विचार करणे गरजेचे आहे. जेव्हा तुम्ही सर्व काही थांबवून स्वतःबद्दल विचार करता तेव्हा तुम्हाला स्वतःमध्ये अनेक कमतरता दिसतील. तुमच्यासोबत समोरच्या व्यक्तीच्या उणिवाही तुम्हाला कळतील. पण तुम्हाला नात्यासाठी सर्वकाही बरोबर करावे लागेल.
लवकर लग्न करण्यावर अर्जुन म्हणाला - 20-30 हे लग्नासाठी खूप कमी वय आहे. मी वयाच्या 24 व्या वर्षी लग्न केले, जे खूप लवकर होते. पुरुष स्त्रियांपेक्षा हळू हळू परिपक्व होतात आणि हे सिद्ध झाले आहे की आम्ही पुरुष मूर्ख आहोत. मेहरपासून घटस्फोट घेणे खूप अवघड होते कारण त्याचा सर्वाधिक परिणाम मुलांवर होतो.'
मेहर आणि अर्जुनला दोन मुली आहेत. ज्यांच्यासोबत तो अनेकदा वेळ घालवताना दिसतो. त्यांच्यासोबतचे फोटोही तो सोशल मीडियावर शेअर करत असतो. अर्जुन त्याच्यापेक्षा 14 वर्षांनी लहान मॉडेल गॅब्रिएलाला डेट करत आहे. या जोडप्याला दोन मुलेही आहेत. अर्जुन आणि गॅब्रिएलाने अजून लग्न केलेलं नाही. दोघे लिव्ह-इन रिलेशनशिपमध्ये राहतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
